________________
भावसंग्रहः
निरालंबं तु यद्धयानमप्रमत्तयतीशिनाम् । बहिर्व्यापारमुक्तानां निर्ग्रन्थजिनलिंगिनाम् || ६०६॥ गृहव्यापारयुक्तस्य मुख्यत्वेनेह दुर्घटम् । निर्विकल्पेचिदानन्दं निजात्मचिन्तनं परम् ॥ ६०७ || गृहव्यापारयुक्तेन शुद्धात्मा चिन्त्यते यदा । प्रस्फुरन्ति तदा सर्वे व्यापारा नित्यभाविताः ॥ ६०८ ॥ अथ चेन्निश्चलं ध्यानं विधातुं यः समीहते । ढिकुलीसन्निभं तद्धि जायते तस्य देहिनः ॥ ६०९ ॥ पुण्यहेतुं परित्यज्य शुद्धध्याने प्रवर्तते । तत्र नास्त्यधिकारित्वं ततोऽसावुभयोज्झितः ॥ ६१० ॥ त्यक्तपुण्यस्य जीवस्य पापास्रवो भवेद्ध्रुवम् । पापबन्धो भवेत्तस्मात् पापबन्धाच्च दुर्गतिः ।। ६११ ॥ पुण्यहेतुस्ततो भव्यैः प्रकर्तव्यो मनीषिभिः । यस्मात्प्रगम्यते स्वर्गमायुर्बन्धोज्झितैर्जनैः ॥ ६१२ ॥ तत्रानुभूय संत्सौख्यं सर्वाक्षार्थप्रसाधकम् । ततयुत्वा कर्मभूमौ नरेन्द्रत्वं प्रपद्यते ॥ ६१३ | लक्षाचतुरशीतिः स्युरष्टादश च कोटयः । लक्षं चतुःसहस्रोनं गजाश्चान्तः पुराणि च ।। ६१४ ॥ निधयो नव रत्नानि प्रभवन्ति चतुर्दश । षट्खण्डभरतेशित्वं चक्रिणां स्युर्विभूतयः ।। ६१५ ॥ जरतृणमिवाशेषां संत्यज्य राज्यसम्पदम् । अत्युत्कृष्टतपोर्लक्ष्मीमेवं प्राप्नोति शुद्धहक ॥ ६१६ ॥
१ पं. ख. । २ तत् ख । ३ दां. क. । ४ लक्ष्म्या एवं ख. ।
Jain Education International
२११
For Private & Personal Use Only
www.jainelibrary.org
