________________
२१०
श्रीवामदेवविरचितो
क्रियते गन्धपुष्पाद्यैर्गुरुपादाब्जपूजनम् । पादसंवाहनाद्यं च गुरूपास्तिर्भवत्यसौ ५९८ ॥ गुरूपास्ति: । चतुर्णामनुयोगानां जिनोक्तानां यथार्थतः । अध्यापनमधीतिर्वा स्वाध्यायः कथ्यते हि सः ।। ५९९ ।।
स्वाध्यायः ।
प्राणिनां रक्षणं त्रेधा तथाक्षसराहतिः । एकोदेशमिति प्राहुः संयमं गृहमेधिनाम् || ६०० ॥ संयमम् ।
उपवासः सकृद्भुक्तिः सौवीराहार सेवनम् । इत्येवमाद्यमुद्दिष्टं साधुभिर्गृहिणां तपः ।। ६०१ ।।
तपः ।
कर्माण्यावश्यकान्याहुः षडेवं गृहचारिणाम् । अधः कर्मादिसम्पातदोषविच्छित्तिहेतवे ।। ६०२ ॥ षट्कर्मभिः किमस्माकं पुण्यसाधनकारणैः । पुण्यात्प्रजायते बन्ध बंधात्संसारता यतः || ६०३ ॥ निजात्मानं निरालम्बध्यानयोगेन चिंत्यते । येनेह बन्धविच्छेदं कृत्वा मुक्ति प्रगम्यते ।। ६०४ ॥ वदन्ति गृहस्थानामस्ति ध्यानं निराश्रयम् । जैनागमं न जानन्ति दुर्धियस्ते स्ववंचकाः || ६०५ ।।
१ आधाकर्मादिसंजात. ख. । २ निरालम्बं क. ।
Jain Education International
For Private & Personal Use Only
www.jainelibrary.org
