________________
२०८
श्रीवामदेवविरचितो
लवणाब्धेस्तटं त्यक्त्वा शतघ्नीं पंचयोजनीम् । दिग्विदिक्षु चतसृषु पृथक्कुभोगभूमयः ॥ ५७८ ॥ सकोस्काः सशृङ्गाश्च लांगुलिनश्च मूकिनः । चतुर्दिक्षु वसन्त्येते पूर्वादिक्रमतो यथा ॥ ५७९ ॥ विदिक्षु शशकर्णाख्याः सन्ति सष्कुलिकर्णिनः । कर्णप्रावरणाश्चैव लम्बकर्णाः कुमानुषाः ॥ ५८० ॥ शतानि पंच सार्धानि सन्त्यज्य वारिधेस्तटम् ।। अन्तरस्थदिशास्वष्टौ कुत्सिता भोगभूमयः ॥ ५८१ ॥ सिंहाश्च महिषोलूकव्याघ्रशूकरगोमुखाः । कपिवक्त्रा भवन्त्यष्टौ दिशानामन्तरे स्थिताः ॥ ५८२ ॥ वेधायाः षट्रछतीं त्यक्त्वा द्वौ द्वावुभयोर्दिशोः । हिमाद्रिविजयार्धाद्रितारादिशिखर्यद्रिषु ५८३ ॥ हिमवद्विजर्याधस्य पूर्वापरविभागयोः । मत्स्यकालमुखा मेघविद्युन्मुखाश्च मानवाः ।। ५८४ ॥ विजर्यार्धशिखर्यद्रिपार्श्वयोरुभयोरपि । हस्त्यादर्शमुखामेघमण्डलाननसन्निभाः ॥ ५८५ ॥ चतुर्विंशतिसंख्याका भवन्ति मिलिता इमाः। तावन्त्यो धातकीखण्डनिकटे लवणार्णवे ॥ ५८६ ॥ एवं स्युद्वर्थनपंचाशल्लवणाब्धितटद्वयोः । कालोदजलधौ तद्वद्द्वीपाः षण्ण्वतिः स्मृताः ॥ ५८७॥ एकोरूका गुहावासाः स्वादुमृन्मयभोजनाः । शेषास्तरुतलावासाः पत्रपुष्पफलाशिनः ॥ ५८८ ॥
Jain Education International
For Private & Personal Use Only
___www.jainelibrary.org
