________________
भावसंग्रहः।
२०७
अन्नस्याहारदानस्य तृप्तिभांजां शरीरिणाम् । रत्नभूस्वर्णदानानि कलां नार्हन्ति षोडशीम् ॥ ५६७ ॥ सदृष्टिः पात्रदानेन लभते नाकिनां पदम् । ततो नरेन्द्रतां प्राप्य लभते पदमक्षयम् ।। ५६८ ॥ संसाराब्धौ महाभीमे दुःखकल्लोलसंकुले । तारकं पात्रमुत्कृष्टमनायासेन देहिनाम् ।। ५६९ ।। सत्पात्रं तारयत्युञ्चैः स्वदातारं भवार्णवे । यानपात्रं समीचीनं तारयत्यम्बुधौ यथा ॥ ५७० ॥ भद्रमिथ्यादृशो जीवा उत्कृष्टपात्रदानतः । उत्पद्य भुंजते भोगानुत्कृष्टभोगभूतले ॥ ५७१ ॥ ते चार्पितप्रदानेन मध्यमाधमपात्रयोः । मध्यमाधमभोगेभ्यो लभन्ते जीवितं महत् ॥ ५७२ ॥ मधुवाद्याङ्गदीपाङ्गा वस्त्रभाजनमाल्यदाः । ज्योतिभूषागृहाङ्गाश्च दशधा कल्पपादपाः ॥ ५७३ ॥ पुण्योपचितमाहारं मनोज्ञ कल्पितं यथा । लभन्ते कल्पवृक्षेभ्यस्तत्रत्या देहधारिणः ॥ ५७४ ॥ दानं हि वामदृग्वीक्ष्य कुपात्राय प्रयच्छति । उत्पद्यते कुदेवेषु तियेक्षु कुनरेष्वपि ॥ ५७५ ॥ मानुषोत्तरबाटे ह्यसंख्यद्वीपवार्धिषु । तिर्यक्त्वं लभते नूनं देही कुपात्रदानतः ॥ ५७६ ॥ निन्द्यासु भोगभूमीषु पल्यप्रमितजीविनः । नग्नाश्च विकृताकारा भवन्ति वामदृष्टयः ॥ ५७७ ।। १ अस्यानाहारदानस्य. ख.। २ भाज खः। ३ दानादि कलां नार्हति। ४ सदा। ५५२-५७३ श्लोकौ पूर्वापरीभूतो. ख-पुस्तके। ५ निन्याः कुभोगभूमीषु. ख. ।
Jain Education International
For Private & Personal Use Only
www.jainelibrary.org
