________________
भावसंग्रहः
२०१
मुक्त्वात्र कुत्सितं पात्रमपात्रं च विशेषतः । पात्रदानविधिस्तंत्र प्रकथ्यते यथाक्रमम् ॥ ५१८ ॥ स्थापनमासनं योग्यं चरणक्षालनार्चने । नतिस्त्रियोगशुद्धिश्च नवम्याहारशुद्धिता ॥ ५१९ ॥ नवविधं विधिः प्रोक्तः पात्रदाने मुनीश्वरैः । तथा षोडशभिर्दोषैरुद्गमायैर्विवर्जितः ॥ ५२० ॥ उद्दिष्टं विक्रयानीतमुद्धारस्वीकृतं तथा । परिवर्त्य समानीतं देशान्तरात्समागतम् ॥ ५२१॥ अप्रासुकेन सम्मिश्रं भुक्तिभाजनमिश्रता । अधिकापाकसंवृद्धिमुनिवृन्दे समागतेः॥ ५२२ ॥ समीपीकरणं पंक्तौ संयतासंयतात्मनाम् । पाकभाजनतोऽन्यत्र निक्षिप्यानयनं तथा ॥ ५२३ ॥ निवापितं समुत्क्षिप्य दुग्धमण्डादिकं च यत् । नीचजात्यार्पितार्थ च प्रतिहस्तात्समर्पितम् ।। ५२४ ॥ यक्षादिबलिशेषं च आनीय चोर्ध्वसद्मनि । ग्रन्थिमुद्भिद्य यदत्तं कालातिक्रमतोर्पितम् ॥ ५२५ ॥ राजादीनां भयाद्दत्तमित्येषा दोषसंहतिः । वर्जनीया प्रयत्नेन पुण्यसाधनसिद्धये ॥ ५२६ ॥ आहारं भक्तित्तो दत्तं दात्रा योग्यं यथाविधि । स्वीकर्तव्यं विशोध्यैतद्वीतरागयतीशिना ॥ ५२७ ॥ योग्यकालागतं पात्रं मध्यम वा जघन्यकम् । यथावत्प्रतिपत्या च दानं तस्मै प्रदीयताम् ।। ५२८ ॥ १ सूत्रे क.।
Jain Education International
For Private & Personal Use Only
www.jainelibrary.org
