________________
श्रीवामदेवविरचितो
भुक्त्वा संत्यज्यते वस्तु स भोगः परिकीर्त्यते । उपभोगोऽसकृद्वारं भुज्यते च तयोर्मितिः ।। ५०८ ॥ संविभागोऽतिथीनां मः किंचिद्विशिष्यते हि सः । न विद्यते तिथिर्यस्य सोऽतिथिः पात्रतां गतः ॥ ५०९ ॥ अधिकाराः स्युश्चत्वारः संविभागे यतीशिनाम् । कथ्यमाना भवन्त्येते दाता पात्रं विधिः फलम् ॥ ५१० ॥ दाता शान्तो विशुद्धात्मा मनोवाक्कायकर्मसु । दक्षस्त्यागी विनीतश्च प्रभुः पङ्गणभूषितः ।। ५११ ॥ ज्ञानं भक्तिः क्षमा तुष्टिः सत्वं च लोभवर्जनम् । गुणा दातुः प्रजायन्ते षडेते पुण्यसाधने ।। ५१२ ॥ पात्रं त्रिविधं प्रोक्तं सत्पात्रं च कुपात्रकम् । अपात्रं चेति तन्मध्ये तावत्पात्रं प्रकथ्यते ॥ ५९३ ॥ उत्कृष्टमध्यमक्लिष्टभेदात् पात्रं त्रिधा स्मृतम् । तत्रोत्तमं भवेत्पात्रं सर्वसंगोज्झितो यतिः || ५१४ ॥ मध्यमं पात्रमुद्दिष्टं मुनिभिर्देश संयमी । जघन्यं प्रभवेत्पात्रं सम्यग्दृष्टिरसंयतः ।। ५१५ ॥ . रत्नत्रयोज्झितो देही करोति कुत्सितं तपः । ज्ञेयं तत्कुत्सितं पात्रं मिथ्याभावसमाश्रयात् ॥ ५१६ ॥ न व्रतं दर्शनं शुद्धं न चास्ति नियतं मनः । यस्य चास्ति क्रिया दुष्टा तदपात्रं बुधैः स्मृतम् ॥ ५१७ ॥
१ परिमाणं । २ विज्ञः ख । ३ सम्यग्दृष्टिमहामुनिः ख. ।
२००
Jain Education International
For Private & Personal Use Only
www.jainelibrary.org
