________________
१९६
श्रीवामदेवविरचितो
उक्तं च जिनसंहितायां
ब्राह्मणः क्षत्रियो वैश्यः स शूद्रो वा सुशीलवान् ॥ ३ ॥ अन्येषां नाधिकारित्वं ततस्तैः प्रविधीयताम् । जिनपूजां विना सर्वा दूरा सामायिकी क्रिया ।। ४६६ ।। जिनपूजा प्रकर्तव्या पूजाशास्त्रोदितक्रमात् । यया संप्राप्यते भव्यैर्मोक्षसौख्यं निरन्तरम् ॥ ४६७ ॥ तावत्प्रातः समुत्थाय जिनं स्मृत्वा विधीयताम् । प्राभातिको विधि ः सर्वः शौचाचमनपूर्वकम् ॥ ४६८ ॥ ततः पौर्वाह्निकीं सन्ध्याक्रियां समाचरेत्सुधीः । शुद्धक्षेत्रं समाश्रित्य मंत्रवच्छुद्धवारिणा ।। ४६९ ॥ पश्चात् स्नानविधिं कृत्वा धौतवस्त्रपरिग्रहः । मंत्रस्नानं व्रतस्नानं कर्तव्यं मंत्रवत्र्त्ततः ।। ४७० ॥ एवं स्नानत्रयं कृत्वा शुद्धित्रयसमन्वितः । जिनावासं विशेन्मंत्री समुच्चार्य निषेधिकाम् || ४७१ ॥ कृत्वेर्यापथसंशुद्धिं जिनं स्तुत्वातिभक्तितः । उपविश्य जिनस्याग्रे कुर्याद्विधिमिमां पुरा ।। ४७२ ।। तत्रादौ शोषणं स्वांगे दहनं प्लावनं ततः । इत्येवं मंत्र विन्मंत्री स्वकीयाङ्गं पवित्रयेत् || ४७३ ॥ हस्तशुद्धिं विधायाथ प्रकुर्याच्छकलीक्रियाम् । कूटवीजाक्षरे मंत्रैर्दशदिग्बंधनं ततः ॥ ४७४ ॥
Jain Education International
—
१ उक्तं चार्धश्लोकेन जिनसंहितायां ख- पाठः । २ सच्छूद्रो वा इत्यनेन पाठेन भाव्यं । ३ वि. ख. ।
For Private & Personal Use Only
www.jainelibrary.org
