________________
भावसंग्रहः।
१९५
मातृवत्परनारीणां परित्यागस्त्रिशुद्धितः । स स्यात्पराङ्गनात्यागो गृहिणां शुद्धचेतसाम् ।। ४५५ ॥ धनधान्यादिवस्तूनां संख्यानं मुह्यतां विना । तदणुव्रतमित्याहुः पंचमं गृहमेधिनाम् ॥ ४५६ ॥ शीलव्रतानि तस्येह गुणवतत्रयं यथा ।। शिक्षाव्रतं चतुष्कं च सप्तैतानि विदुर्बुधाः ॥ ४५७ ।। दिग्देशानर्थदण्डानां विरतिः क्रियते तथा । दिग्व्रतत्रयमित्याहुर्मुनयो व्रतधारिणः ॥ ४५८ ॥ कृत्वा संख्यानमाशायां ततो बहिर्न गम्यते । यावज्जीवं भवत्येतदिग्वतमादिमं व्रतम् ॥ ४५९ ॥ कृत्वा कालावधि शक्त्या कियत्प्रदेशवर्जनम् । तद्देशविरति म व्रतं द्वितीयकं विदुः ॥ ४६० ॥ खनित्रविषशस्त्रादेर्दानं स्याद्वधहेतुकम् । तत्त्यागोऽनर्थदण्डानां वर्जनं तत्तृतीयकम् ॥ ४६१ ॥ सामायिकं च प्रोषधविधिं च भोगोपभोगसंख्यानम् । अतिथीनां सत्कारो वा शिक्षाबतचतुष्कं स्यात् ॥ ४६२ ॥ सामायिकं प्रकुर्वीत कालत्रये दिन प्रति । श्रावेको हिं जिनेन्द्रस्य जिनपूजापुरःसरम् ॥ ४६३॥ कः पूज्यः पूजकस्तत्र पूजा च कीदृशी मता । पूज्यः शतेन्द्रवन्याहिर्निर्दोषः केवली जिनः ।। ४६४ ॥ भव्यात्मा पूजकः शान्तो वेश्यादिव्यसनोज्झितः । ब्राह्मणः क्षत्रियो वैश्यः स शूद्रो वा सुशीलवान् ॥४६५॥ १ यथा ख. । २ श्रावकेण क. । ३ हीति नास्ति. क-पुस्तके । ४ 'सच्छूद्रो वा' इति सुभाति । ५ दृढव्रती ख. ।
Jain Education International
For Private & Personal Use Only
www.jainelibrary.org
