________________
१९०
श्रीवामदेवविरचितो
ज्ञानं पूजा तपो वित्तं कुलं जातिवलं वपुः । एतानाश्रित्य गर्वित्वं तन्मदाष्टकमिष्यते ॥ ४०७ ॥ कुदेवः कुमतालम्बी कुशास्त्रं कुत्सितं तपः । कुशास्त्रज्ञः कुलिंगीति स्युरनायतनानि षट् ॥ ४०८ ॥ समीचीनमिदं रूपं कुदेवस्येति जल्पनम् । इत्यादिभावना भव्यैस्त्याज्यानायतनात्मिका ॥ ४०९ ॥ इदमेवेदृशं तत्वं जिनोक्तं तन्न चान्यथा। इत्यकम्पा रुचिर्यासौ निःशंकाङ्गं तदुच्यते ॥ ४१०॥ संसारेन्द्रियभोगेषु सर्वेषु भंगुरात्मसु । निरीहभावना यत्र सा निष्कांक्षा स्मृता बुधैः ॥ ४११॥ स्वभावमलिने देहे रत्नत्रयपवित्रिते । जुगुप्सारहितो भावो सा स्यानिर्विचिकित्सिता ॥४१२॥ दोषदृष्टेषु शास्त्रेषु तपस्विदेवतादिषु ।। चित्तं न मुह्यते कापि तदमृढत्वं निगद्यते ॥ ४१३ ॥ रत्नत्रयोपयुक्तस्य जनस्य कस्यचित्कचित् । गोपनं प्राप्तदोषस्य तद्भवत्युपगृहनम् ॥ ४१४॥ दर्शनाज्ञानतो वृत्ताच्चलतां गृहमेधिनाम् । यतीनां स्थापनं तद्वत्स्थितीकरणमुच्यते ॥ ४१५ ॥ रोगार्दितश्रमार्तानां साधूनां गृहिणामपि । यथायोग्योपचारस्तद्वात्सल्यं धर्मकाम्यया ॥ ४१६॥ मिथ्यातमस्त्वपाकृत्य सद्धर्मोद्योतनं परम् । क्रियते शक्तितो बाढं सैषा प्रभावना मता ॥ ४१७ ॥
१ इत्यशंका. ख. २ निःशंकत्वं. । ३ दुष्टेषु. ख. । ४ दर्शनज्ञानतो ख.।
Jain Education International
For Private & Personal Use Only
___www.jainelibrary.org
