________________
१८८
श्रीवामदेवविरचितो
चेतनालक्षणो जीवोऽमृर्तोऽनाद्यविनाशकः । अजीवः पंचधा ज्ञेयः पुद्गलादिप्रभेदतः ॥ ३८५ ॥ भावास्रवो भवेन्जीवो मिथ्यात्वादिचतुष्टयात् । ततो द्रव्यास्रवो योऽसौ कर्माष्टकसमाश्रयः ॥ ३८६ ॥ बध्यते कर्म भावेन येन तद्भावबन्धनम् । जीवकर्मप्रदेशानामाश्लेषो द्रव्यवन्धनम् ।। ३८७ ।। स प्रकृतिप्रदेशाख्यस्थित्यंनुभागभेदभाक् । योगवादिमौ स्यातां कषायद्वौं तदुत्तरौ ॥ ३८८ ।। कर्मास्रवनिरोधात्मा चिद्भावो भावसंवरः । व्रताद्यैः कर्मसंरोधः स भवेद्रव्यसंवरः ॥ ३८९ ।। हठात्कारस्वभावाभ्यां जायते कर्मनिर्जरा। अविपाका स्वपाकेति द्विविधा सा यथाक्रमम् ॥ ३९० ॥ कर्मक्षयाय यो भावो भावमोक्षो भवत्यसौ । जायते द्रव्यमोक्षस्तु जीवकर्मपृथक्रिया ॥ ३९१ ।। इत्येवं सप्ततत्वानि तान्येव प्रभवन्त्यपि । युक्तानि पुण्यपापाभ्यां पदार्था नव संस्मृताः ॥३९२ ॥ पुरोक्तलक्षणः जीवः सम्यक्त्वव्रतभूषितः । पुण्यं तद्विपरीतो यः स पापमिति कीर्त्यते ॥ ३९३ ।। एवं द्रव्यादिसन्दोहे श्रद्दधानं यथार्थतः। अनादिकर्मसम्बन्धविच्छित्तौ जायतेऽङ्गिनाम् ॥ ३९४ ॥ चतुर्गतिभवो भव्यः संज्ञी पूर्णः सुलेश्यकः । जागरी लब्धिमान् शुद्धो ज्ञानी सम्यक्त्वमर्हति ॥ ३९५ ॥
Jain Education International
For Private & Personal Use Only
___www.jainelibrary.org
