________________
१८४
श्रीवामदेवविरचितोचक्षुर्दर्शनमायं स्यादचक्षुर्दर्शनं ततः । अवध्याख्यं च कैवल्यं चतुर्धेति प्रचक्ष्यते ॥३४५॥ अक्षर्मनोवधिभ्यां वा विशिष्टवस्तुदर्शनम् । तदर्शनं भवेत्स्वात्मसंवित्तिः केवलं परम् ॥ ३४६ ॥ स्वयं कर्म करोत्युच्चैः शुभाशुभविकल्पतः । कर्ताऽसौ कथ्यते सद्भिर्व्यवहारनयाश्रयात् ॥ ३४७ ।। तत्फलं च स्वयं भुंक्ते तस्माद्भोक्तेति भण्यते । प्रविस्तारोपसंहाराद्भवत्यङ्गी तनुप्रमः ॥ ३४८ ॥ स्वभावेनोर्ध्वगा शक्तिस्तस्माद्भवेत्तदात्मकः । वर्णादिभिर्विहीनत्वादमूर्तो जायते हि सः ॥ ३४९॥ पंचविधेत्र संसारे जीवः संसरति स्वयम् । तस्माद्भवति संसारी कृतकर्मप्रचोदितः ।। ३५० ॥ प्राप्य द्रव्यादिसामग्री भस्मसात्कुरुते स्वयम् । .. कर्मेन्धनानि सर्वाणि तस्मात्सिद्ध इति स्मृतः ॥ ३५१॥ अवस्थाभेदतो जीवः पुनस्त्रेधा प्रचक्ष्यते । बहिरात्मान्तरात्मा च परमात्मेति तत्वतः ॥ ३५२ ॥ हेयोपादेयवैकल्यान च वेत्यहितं हितम् । निमग्नो विषयाक्षेषु बहिरात्मा विमूढधीः ॥ ३५३ ॥ अन्तरात्मा त्रिधा क्लिष्टमध्यमोत्कृष्टभेदतः । असंयतो जघन्यः स्यान्मध्यमौ द्वौ तदुत्तरौ ॥ ३५४ ॥ अप्रमत्तादयः सर्वे यावत्क्षीणकषायकाः । उत्तमा यतयः शान्ताः प्रभवन्त्युत्तरोत्तरम् ॥ ३५५ ॥
Jain Education International
For Private & Personal Use Only
www.jainelibrary.org
