________________
१८२
श्रीवामदेवविरचितो
अक्षेषु विरतो नैव न स्थावरे वराङ्गिषु । द्वितीयानां कषायाणां विपाकादवतो यतः ॥ ३२४ ॥ श्रद्धानं कुरुते भव्यो ह्याज्ञयाधिगमेन वा । द्रव्यादीनां यथाम्नायं सम्यग्दृष्टिरसंयतः || ३२५ ॥ परिच्छित्तौ पदार्थानां हर्षोल्लसितचेतसि । या रुचिर्जायते साध्वी तच्छ्रद्धानमिति स्मृतम् ॥ ३२६ ॥ आप्तागमयतीशानां तत्वानामल्पबुद्धितः । जिनाज्ञयैव विश्वासो भवत्याज्ञा हि सा परा ॥ ३२७ ॥ घातिकर्मक्षयोद्भूतकेवलज्ञानरश्मिभिः । प्रकाशकः पदार्थानां त्रैलोक्योदरवर्तिनाम् || ३२८ ।। सर्वज्ञः सर्वतो व्यापी त्यक्तदोषो वंचकः । देवदेवेन्द्रवन्यांहिराप्तोऽसौ परिकीर्तितः ।। ३२९ ॥ पूर्वापरविरुद्धात्मदोषसंघातवर्जितः ।
यथावद्वस्तु निर्णीतिर्यत्र स्यादागमो हि सः || ३३० ॥ विराजतेऽष्टविंशत्या शुद्धैर्मूलगुणैः सदा । भेदाभेदनयाकान्तो रत्नत्रयविभूषणैः ।। ३३१ ।। ऐहिकाशापरित्यक्तो धर्मशास्त्रार्थतत्परः । रागद्वेषविनिमुक्तो दशधर्मसमन्वितः ।। ३३२ ॥ निःशल्यो निरहंकारः परिग्रहपरिच्युतः । पक्षपातोज्झितः शान्तः स मुनिर्वन्द्यते मया ॥ ३३३ ॥ सूक्ष्मे जिनोदिते तत्वे नास्ति चेन्महती मतिः । आप्तोदितं यथाम्नायं श्रद्धांनं क्रियते तथा ।। ३३४ ॥
१ विरोधो नैव विद्यते ख. । २ श्रद्धातव्यं मनीषिभिः ख ।
Jain Education International
For Private & Personal Use Only
www.jainelibrary.org
