________________
mern
भावसंग्रहः।
१७३ अन्तरायान् विना तस्य प्रवृत्तिभॊजने यदि। श्रावकेभ्योऽतिनीचत्वं निन्दास्पदं प्रजायते ॥ २३७ ।। करोति चान्तरायांश्च दृष्टे चायोग्यवस्तुनि । तदा सर्वज्ञभावस्य दत्तस्तेन जलाञ्जलिः ॥ २३८ ॥ तथापि कवलाहारं ये वदन्ति जिनेशिनः । सुरास्वादमदोन्मत्ता जल्पन्ति घूर्णिता इव ॥ २३९ ॥
इति केवलिभुक्तिनिराकरणम् ।
अथ स्त्रीणां भवे तस्मिन् मोक्षोऽस्तीति वदन्ति ये । ते भवन्ति महामोहग्रहग्रस्ता जना इव ॥ २४०॥ यद्यपि कुरुते नारी तपोऽप्यत्यन्तदुःसहम् । तथापि तद्भवे तस्या मोक्षो दूरतरो हि सः ॥ २४१॥ तस्या जीवो न किं जीवो जीवमात्रोऽथवा स्मृतः । मोक्षा वाप्तिनं जायेत नारीणां केन हेतुना ॥ २४२ ॥ जीवसामान्यतो मुक्तिर्यद्यस्ति चेत्प्रजायताम् । मातंगिन्याद्यशेषाणां नारीणामविशेषतः ॥ २४३॥ सदैवाशुद्धता योनौ गलन्मलाश्रयत्वतः । रजःस्खलनमेतासां मासं प्रति प्रजायते ॥ २४४ ॥ उत्पद्यन्ते सदा स्त्रीणां योनौ कक्षादिसन्धिषु । सूक्ष्मापयोप्तका मत्यास्तदेहस्य स्वभावतः ॥ २४५॥ स्वभावः कुत्सितस्तासां लिंग चात्यन्तकुत्सितम् । तस्मान्न प्राप्यते साक्षाद्वेधा संयमभावना ॥ २४६ ॥ १ इति ख-पुस्तके नास्ति ।
Jain Education International
For Private & Personal Use Only
www.jainelibrary.org
