________________
श्रीवामदेवविरचितो
एवमनेकधाहारो देहस्य स्थितिकारणम् । तन्मध्ये कवलाहारो वान्यो देहस्थितौ भवेत् ॥ २२७॥ नोकर्म कर्म नामानमाहारं गृहतोऽर्हतः । देहस्थितिर्भवत्येतदस्माकमपि सम्मतम् ॥ २२८ ॥ आहोश्वित्कवलाहारपूर्विका स्यात्तनुस्थितिः । त्वयैवं भण्यते तत्र प्रसिद्धा व्यभिचारिता ॥ २२९ ॥ एकेन्द्रियेषु जीवेषु लेपाहारः प्रजायते । आहारो मानसो देवसमूहेष्वखिलेष्वपि ॥ २३० ॥ इति हेतोर्जिनेन्द्रस्य कवलाहारपूर्विका । देहस्थितिर्न वक्तव्या त्वया स्वप्नेऽपि दुर्मते ! || २३१ ॥ एकादश जिने सन्ति बुभुक्षाद्याः परीषहाः । तस्मात्केवलिनां भुक्तिरनिवार्या भवादृशैः ॥ २३२ ॥ किमेवं क्रियते मूढ ! पुनश्चर्वितचर्वणम् । क्षुत्पिपासादयो दोषा यस्मात्पूर्वं निराकृताः ॥ २३३ ॥ क्षुत्पिपासादयो यस्मान्न समर्था मोहसंक्षये । द्रव्यकर्माश्रयात्तेषामस्तित्वमुपचारतः || २३४ ॥ अस्तु वा तस्य वेद्योत्थबुभुक्षाया विचारणा । अनेकजीव हिंसाद्यं पश्यन् भुंक्ते कथं जिनः ॥ २३५ ॥ यस्माच्छुद्धमशुद्धं वा स्वल्पज्ञानयुता जनाः । कुर्वन्ति भोजनं तद्वत् केवली कुरुते कथम् ।। २३६ ॥
१७२
१ अस्याग्रेऽयं पाठः ख- पुस्तके । उक्तं चान्यत्रणोकम्मं तित्थयरे कम्मं णारेय माणसो अमरे । रपसुकवलाहारो पक्खी ओजो णगे लेओ ॥ १ ॥ २ ह्येते ख. ।
Jain Education International
For Private & Personal Use Only
www.jainelibrary.org
