________________
१६८
श्रीवामदेवविरचितो
ततो भव्यैः समाराध्यं सम्यग्ज्ञानं जिनोदितम् । असाधारणसामग्र्यं निःशेषकर्मणां क्षये ॥ १८५ ॥ इत्येवं पंचधा प्रोक्तं मिथ्यात्वं तद्वशाजनाः । संसाराब्धौ निमज्जन्ति दुःखकल्लोलसंकुले ॥ १८६ ।।
इत्यज्ञानमिथ्यात्वम् । अथोर्ध्व स्वमतोद्भूतं मिथ्यात्वं तन्निगद्यते । विहितं जिनचन्द्रेण श्वेताम्बरमताभिधम् ॥ १८७ ॥ सषष्ट्रिशे शतेऽब्दानां मृते विक्रमराजनि । सौराष्ट्र वल्लभीपुर्यामभूत्तत्कथ्यते मया ॥ १८८ ।। उज्जयिन्या पुरी ख्याता देशेऽस्त्यवन्तिकाभिधे । तत्राष्टाङ्गनिमित्तज्ञो भद्रबाहुर्मुनीश्वरः ॥ १८९ ॥ निमित्तज्ञानतस्तेन कथितं मुनिजनान् प्रति । प्रभवत्यत्र दुर्भिक्षं वर्षद्वादशकावधि ॥ १९० ॥ निशम्येति वचस्तस्य नान्यथा स्यात्कदाचन । सर्वे स्वस्वगणोपेताः प्रतिदेशं विनिर्ययुः ।। १९१ ।। शान्तिनामा गणी चैकः संप्राप्तो विहरन् पुरीम् । साराष्ट्रां वल्लभी यावत्तत्र संतिष्ठते स्म सः ॥ १९२ ।। तत्राप्यभून्महाभीमं दुर्भिक्षमतिदुःसहम् । विदार्योदरमन्येषामन्नं रकैर्विभुज्यते ।। १९३ ॥ ततः सोहुमशक्तैस्तैः स्वकीयोदरपूर्तये । सच्चारित्रं परित्यज्य स्वीकृता कुत्सिता क्रिया ॥ १९४ ॥ १ उज्जयिन्यां पुरा ख्यातो देशोऽस्त्यवन्तिकभिधः इति क-पुस्तके पाठः स च असंगतत्वात् बहिनिष्कास्य ख-पुस्तकस्थः संयोजितः । २ मंतं ख.।
Jain Education International
For Private & Personal Use Only
www.jainelibrary.org
