________________
षट्प्राभृतेजीवाजीवास्रवबन्धसंवरनिर्जरामोक्षास्तत्वानि । सप्त तान्येव पुण्यपापद्वयसहितानि नवपदार्था वेदितव्याः ।
आयदणं-इत्यायतनस्वरूपं समाप्तम् । १ । अथेदानी चैत्यस्वरूपं निरूपयन्ति श्रीकुन्दकुन्दाचार्याः
बुद्धं जं बोहंतो अप्पाणं चेझ्याई अण्णं च । पंचमहव्वयसुद्धं णाणमयं जाण चेदिहरं ॥ ८॥
बुद्धं यत् बोधयन् आत्मानं चैत्यानि अन्यच्च ।
पञ्चमहाव्रतशुद्धं ज्ञानमयं जानीहि चैत्यगृहम् ॥ बुद्धं जं बोहंतो बुद्धं कर्ममलकलंकरहितकेवलज्ञानमयं, जं-यत्, बोहंतो-बोधयन् । अप्पाणं चेइयाई अण्णं च आत्मानं शुद्धबुद्धैकस्वभावं निजजीवस्वरूपं बोधयन्नयं आत्मा चैत्यगृहं भवति । हे जीव ! तं-त्वं चैत्यगृहं जानीहि न केवलं आत्मानं बोधयन्तं आत्मानं चैत्यगृहं जानीहि किन्तु चेइयाई-चैत्यानि कर्मतापन्नानि भव्यजीववृन्दानि बोधयन्तमात्मानं चैत्यगृह निश्चयचैत्यालयं हे जीव ! त्वं जानीहि निश्चयं कुरु, न केवलमात्मानं चैत्यगृहं जानीहि किन्तु अण्णं च-व्यवहारनयेन निश्चयचैत्यालयप्राप्तिकारणभूतेनान्यच्च दृषदिष्टकाकाष्ठादिरचितं श्रीमद्भगवत्सर्वज्ञवीतरागप्रतिमाधिष्ठितं चैत्यगृहं हे आत्मन् ! हे जीव ! त्वं जानीहि । कथंभूतं चैत्यगृहं, पंचमहव्वयसुद्धं पंचभिर्महाव्रतैः कृत्वा शुद्धं समूलकाषं कषितकर्ममलकलंकसमूहं । अपरं कथंभूतं चैत्यगृहं, णाणमय केवलज्ञानकेवलदर्शनाभ्यां निर्वृत्तं निष्पन्नमित्यर्थः । यवहारचैत्यगृहं तु स्थापनान्यासेन पंचमहाव्रतशुद्धं स्थापनान्यासबलेन केवलज्ञानदर्शनमयमित्यर्थः स तु व्यवहारनयो मुख्यो निश्चयनयस्तु गौण इति ज्ञातव्यं । ये तु लोकायतिकादिमतानुसारिणो दुरात्मानः श्वेतपटाभासा निश्चयचैत्यमस्पृशन्तोऽपि व्यवहारचैत्यगृहं न मानयन्ति ते
Jain Education International
For Private & Personal Use Only
___www.jainelibrary.org
