________________
मोक्षप्राभृतं ।
३४५ सुभजोगेण सुभावं परदव्वे कुणइ रागदो साहू । सो तेण दु अण्णाणी गाणी एत्तो दु विवरीदो ॥५४॥
शुभयोगेन सुभावं परद्रव्ये करोति रागतः साधुः ।
स तेन तु अज्ञानी ज्ञानी एतस्माद्विपरीतः ॥ सुभजोगेण सुभावं शुभस्य मनोज्ञपदार्थस्येष्टवनितादेः योगेन संयोगेन मेलनेनोपढौकनेनाग्रत आगतेन सुभा-शोभनं प्रीतिलक्षणं भावं परिणामं । परदव्वे कुणइ रागदो साहू परद्रव्ये आत्मनो भिन्ने वस्तुनि इष्टवनितादौ, करोति विदधाति सुभावमिति सम्बन्धः, रागतः प्रेमपरिणामात् । कः कर्ता, साधुर्वेषधारी मुनिः पुष्पदन्तवत् । तथा चोक्तं
अलकवलयरम्यं भूलतानर्तकान्तं
नवनयनविलासं चारुगण्डस्थलं च। मधुरवचनगर्भ स्मेरबिम्बाधरायाः
पुरत इव समास्ते तन्मुखं मे प्रियायाः ॥१॥ कर्णावतंसमुखमण्डनकण्ठभूषा
वक्षोजपत्रजघनाभरणानि रागात् । पादेष्वलक्तकरसेन च चर्चनानि
कुर्वन्ति ये प्रणयिनीषु त एव धन्याः ॥२॥ लीलाविलासविलसन्नयनोत्पलायाः
स्फारस्मरोत्तरलिताधरपल्लवायाः। उत्तुंगपीवरपयोधरमंडलाया
स्तस्या मया सह कदा ननु संगम: स्यात् ॥३॥ किंचचित्रालेखनकर्मभिर्मनसिजव्यापारसारास्मृतै
र्गाढाभ्यासपुरःस्थितप्रियतमापादप्रणामक्रमैः । स्वप्ने संगमविप्रयोगविषयप्रीत्यमोदागमैरित्थं वेषमुनिर्दिनानि गमयत्युत्कंठितः कानने ॥१॥
Jain Education International
For Private & Personal Use Only
www.jainelibrary.org
