________________
२४
श्रीमत्पूज्यपादस्वामिविरचितः
श्रीमत्पूज्यपादस्वामिविरचितः इष्टोपदेशः ।
श्रीपण्डित - आशाधर - कृतसंस्कृतटीकासमेतः ।
00/00
टीकाकारस्य मंगलाचरणम् ।
परमात्मानमानम्य मुमुक्षुः स्वात्मसंविदे । इष्टोपदेशमाचष्टे स्वशक्त्याशाधरः स्फुटम् ॥
तत्रादौ यो यगुणार्थी स तद्गुणोपेतं पुरुषविशेषं नमस्करोतीति परमात्मगुणार्थी ग्रंथकर्ता परमात्मानं नमस्करोति, तयथा; -
यस्य स्वयं स्वभावाप्तिरभावे कृत्स्नकर्मणः । तस्मै संज्ञानरूपाय नमोऽस्तु परमात्मने ॥ १ ॥
अस्तु भवतु । किं तन्नमः नमस्कारः कस्मै, तस्मै परमात्मने । परम अनाध्येया प्रदेयातिशयत्वात्सकलसंसारिजीवेभ्य उत्कृष्ट आत्मा चेतन: परमात्मा तस्मै । किंविशिष्टाय, संज्ञानरूपाय सम्यक्सकलार्थसाक्षात्कारित्वादितदत्यन्तसूक्ष्मत्वादीनामपि लाभात्कर्महंतृत्वादेरपि विकारस्य त्यागाच्च संपूर्णज्ञानं स्वपरावबोधस्तदेव रूपं यस्य तस्मै । एवमाराध्यस्वरूपमुक्त्वा तत्प्राप्त्युपायमाह । यस्याभूत्कासौ स्वभावाप्तिः स्वभावस्य निर्मलनिश्चलचिद्रूपस्य आप्तिर्लब्धिः कथंचित्तादात्म्यपरिणतिः । कृतकृत्यतया स्वरूपेऽवस्थितिरित्यर्थः । केन, स्वयं संपूर्णरत्नत्रयात्मनात्मना । क्व सति, अभावे शक्तिरूपतया विनाशे । कस्य, कृत्स्नकर्मणः । कृत्स्नस्य सकलस्य द्रव्येभावरूपस्य कर्मण आत्मपारतंत्र्यनिमित्तस्य ॥ १ ॥
१ अनारोपि अप्रतिहत- । २ ज्ञानावरणादिद्रव्यकर्माणि, रागद्वेषादयो भावकर्माणि ।
Jain Education International
For Private & Personal Use Only
www.jainelibrary.org
