________________
१६०
सागारधर्मामृते
अनुवादमुखेन चैत्यालयव्रजनविधिमाह
यथाविभवमादाय जिनाद्यर्चनसाधनम् ।
वजन्कौत्कुटिको देशसंयतः संयतायते ॥ ६ ॥ टीका--संयतायते संयतं यतिमिवात्मानमाचरति । कोऽसौ, देशसंयतः श्रावकः । किं कुर्वन्, व्रजन्गच्छन् । किंविशिष्टः सन् , कौत्कुटिकः पुरो युगमात्रप्रेक्षीत्यर्थः । किं कृत्वा, आदाय गृहीत्वा । किं तत्, जिनादीनामर्हच्छताचार्याणामचनसाधनं पूजाङ्गं जलगन्धाक्षतादिकं । कथं यथाविभवं स्वसम्पदनुसारण ॥ ६॥
दृष्ट्वा जगद्धोधकरं भास्करं ज्योतिराहतम् ।
स्मरतस्तद्गृहीशरोध्वजालोकोत्सवोऽघहत् ।। ७ ॥ टीका-भवति । कोऽसौ, तद्गृहशिरोध्वजालोकोत्सवः जिनचैत्यालयशिखरकेतनदर्शनानंदः । किंविशिष्टोऽघहृत् पापहरः । कस्य, तथागच्छतः श्रावकस्य 1 किं कुर्वतः, स्मरतः स्मृतिविषयीकुर्वतः । किं तत्, ज्योतिः ज्ञानमयं वाङ्मयं वा तेजः । किंविशिष्टमार्हतं जैनं । किं कृत्वा, दृष्टा आलोक्य । कं भास्करमादित्यं । किंविशिष्टं, जगद्बोधकरं जगतां दिवाचरप्राणिनां बोधं निद्रापनोदं करोतीत्येवंशीलं उद्यन्तमित्यर्थः । पक्षे बहिरात्मप्राणिनां मोहनिद्राप्रहरणशीलम् ॥ ७ ॥
वाद्यादिशब्दमाल्यादिगन्धद्वारादिरूपकैः । चित्रैरारोहदुत्साहस्तं विशनिसहीगिरा ॥ ८॥ टीका-विशेत् प्रविशेदसौ । कं, तं जिनालयं । कया, निसहीगिरा निस. हीति शब्दमुच्चारयन्नित्यर्थः । किंविशिष्टः सन्, आरोहदुत्साहः प्रवर्द्धमानधर्मा. चरणोद्योगः । कैः, वाद्यादीत्यादि वाद्यानां प्राभातिकतूर्याणामादिशब्देन स्वा. ध्यायस्तुतिमङ्गलगीतादीनां च शब्दैर्निनादैः । तथा माल्यादीनां चम्पकपुष्पादिमालानां आदिशब्देन धूपचूर्णादीनां च गंधैरामोदैस्तथा द्वारस्य प्रवेशमुखस्य आदिशब्देन तोरणस्तम्भशिखरादीनां च रूपकैश्चेतनाचेतनप्रतिच्छन्दैः । किंविशिष्टैश्चित्रैर्नानाप्रकारैविस्मयकरैश्च ॥ ८ ॥
Jain Education International
For Private & Personal Use Only
www.jainelibrary.org
