________________
१२८
अम्बरमम्बुनि पत्रमरातिः, पीतमहीनगणस्य ददाह ।
यस्य वधूस्तनयं गृहमब्जा, पातु स वो हरलोचनवह्निः ॥ १ ॥
अस्यार्थः- :- स देवः कृष्णः वः- युष्मान् पातु रक्षतु । स कः ? यस्य - देवस्य अम्बरं - वस्त्रं पीतं वर्तते । यस्य गृहं अम्बुनि जले समुद्रे वर्तते । पुनः यस्य अहीनगणस्य - सर्पराजसमूहस्य अराति:शत्रुः गरुडः पत्र - वाहनं वर्तते । यस्य वधूः अब्जा - समुद्रजा - कमला वर्तते । पुनः हरलोचनवह्निः यस्य तनयं - पुत्रं कन्दर्पं ददाह । इति सम्पूर्णोऽर्थः । अस्मिन् काव्ये व्यस्तालङ्कारोऽस्ति ॥
Jain Education International
इति सूक्तं सम्पूर्ण शिष्याणां पठनाय श्रीकल्याणमस्तु ॥
१ सुभाषितरत्नभाण्डागारे ( पृ० १९७, श्लो० ५८ ) प्रेक्ष्यमाणं हृदं काव्यं प्रक्षिप्तमिति प्रतिभाति, परन्तु प्रतियुगले विद्यमानत्वात् अनोपस्थितम् ।
For Private & Personal Use Only
www.jainelibrary.org