Page Text
________________
सप्तमं परिशिष्टम्
वस्तुपालस्तुतिकाव्यानि। स्वस्ति श्रीवस्तुपालाय, बभौ यहुद्धिसुभ्रवः । क्रोडीकृताम्बरं रौप्याञ्जनभाजनवद् यशः ॥ १ ॥
अन्तःक्षारं रिपूणां घनमपि कवलीकृत्य तृष्णातुरेव, ___त्वत्कीर्तिर्नाऽऽप तृप्तिं भुवि सचिव ! जवात् क्षीरनीराकरेऽपि । तस्मादाकाश-नाकोरगनगरचरस्वधुनीपानहेतोः,
सर्वत्रापि त्रिलोकीहितचरित ! चिरं सम्भ्रमाद् बम्भ्रमीति ॥२॥ भवद्भुजभुजङ्गोऽसौ, वस्तुपाल ! द्विषां भये । असिं दधाति फूत्कारविषोद्गारसहोदराम् ॥३॥ औषधीशसखः सत्यं, वस्तुपालयशोभरः । येन प्रसर्पता पश्य, विश्वं मुक्तामयं कृतम् ॥४॥ शेषद्वेषविधायिनीमपि भवत्कीर्ति सुधासोदरां, श्रीमन्त्रीश ! मुखस्फुरद्विषभिदे गायन्ति नागागनाः । शम्भुः स्वाङ्गविरोधिनीमपि पुनर्नित्योपरोधादिमां, देवीर्गापयते विषाकुलगलश्यामत्वसंलुप्तये ॥५॥ कल्पद्रुप्रसवावतंसमधुपीझङ्कारलब्धोपमाः, कामं कामगवीनवीनपयसां पानेन तारस्वराः । ताश्चिन्तामणिरश्मिभस्मिततमःस्तोमे सुमेरोगुहागर्भे चण्डपगोत्रमण्डन! भवद्दानानि देव्यो जगुः ॥६॥ देव! त्वत्प्रतिपन्थिपार्थिवपुरीसौधाग्रभागादिव, प्राप्य व्योमविहारदुर्लभमपि प्रौढप्ररुढप्रभः । श्रीमञ्चण्डपगोत्रमण्डन! भवत्कीर्त्या जितो यामिनीजीवेशस्तनुते तृणं निजमुखे लक्ष्मच्छविच्छद्मना ॥७॥ गुणग्रामे रामे जितसितकरे सत्यपि निजे, स्वयं गृह्णासि त्वं परगुणमताहक्षमपि यत् । अयं लोभक्षोभश्चतुर! चतुराम्भोधिरसनावनीशिक्षादक्ष ! स्फुरति किमु ते मन्त्रिमुकुट !? ॥८॥
भोगीन्द्रस्त्वद्भुजेन त्रिपुररिपुरपि त्वत्प्रभुत्वप्रभावैः,
शीतांशुस्त्वन्मुखेन त्रिदशसरिदपि त्वचरित्रप्रपञ्चैः । शक्रेभस्त्वद्गतेन प्रसभमशुभतां लम्भिताः सज्जलज्जं,
निर्मज्जन्ति स्म तस्मिन् सचिव ! तव यशस्तोयधौ वस्तुपाल! ॥९॥ भर्ता भोगभृतां बिभर्ति वसुधामेव प्रभावाद्भुतां,
दिग्दन्तीन्द्रकरस्तु हन्ति च रिपून् धत्ते च धात्रीमिमाम् । श्रीमन्त्रीश! भवद्भुजस्तु कृतिनां दत्ते च वित्तव्र,
भिन्ते च द्विषतो दधाति च धरामेषां क साम्यं मिथः ? ॥१०॥ इन्दुर्निन्दति कौमुदीसमुदयं मुक्तामणीनां ततिर्मुक्तालङ्कतिरस्तचण्डिमहिमं दी न साधिपः ।। गर्व शर्वधराधरो न कुरुते न स्वर्धनी स्पर्धिनी, श्रीमन्त्रीश्वरवस्तुपालयशसि त्रैलोक्यमाक्रामति ॥११॥
बलि-कर्ण-दधीचिकीर्तयः, कलिपङ्कार्पितमत्यजन् मलम् । तव दानपयोनदीकृतस्नपनश्चण्डपगोत्रमण्डन !
॥ १२ ॥ शके पङ्कजिनीपतिः क्रतुभुजां साथैः स्वयं प्रार्थितः, कर्ष कर्षमिलातलादनुदिनं त्वदानतोयच्छटाः। श्रीमञ्चण्डपवंश्य ! सिञ्चति शचीचित्तेशलीलावन, नैवं चेत् कथमन्यथा विटपिनामप्यत्र दानक्रिया ? ॥१३
॥ वस्तुपालस्तुतिकाव्यानि ॥
Jain Education International
For Private & Personal Use Only
www.jainelibrary.org
| SR No. | 002919 |
| Book Title | Vastupal Prashasti Sangraha |
| Original Sutra Author | N/A |
| Author | Punyavijay |
| Publisher | Singhi Jain Shastra Shiksha Pith Mumbai |
| Publication Year | 1963 |
| Total Pages | 154 |
| Language | Sanskrit, Hindi |
| Classification | Book_Devnagari & History |
| File Size | 9 MB |