________________
राज चिह्न
तयाणंतरं च णं पुण्णकलसभिंगारं, दिव्वा य छत्तपडागा सचामरा, देसणरइयआलोय-दरिसणिज्जा, वाउद्भूयविजयवेजयंती य, ऊसिया गगणतलमणुलिहंती * पुरओ अहाणुपुबीए संपट्ठिया।
तयाणंतरं च णं वेरुलियभिसंतविमलदंड पलंबकोरंटमल्लदामोवसोभियं, चंदमण्डलणिभं, समूसियं, विमलं आयवत्तं, पवरं सीहासणं वरमणिरयणपादपीढं, सपाउयाजोयसमाउत्तं, बहुकिंकरकम्मकर-पुरिसपायत्तपरिक्खित्तं पुरओ अहाणुपुबीए संपट्ठियं।
तयाणंतरं च णं बहवे लढिग्गाहा कुंतग्गाहा चावग्गाहा चामरग्गाहा पासग्गाहा पोत्थयग्गाहा फलगग्गाहा पीढग्गाहा वीणग्गाहा कूवग्गाहा हडप्पयग्गाहा पुरओ
अहाणुपुवीए संपट्ठिया। ___ तयाणंतरं च णं बहवे दंडिणो मुंडिणो सिहंडिणो जडिणो पिच्छिणो हासकरा डमरकरा चाडूकरा वादकरा कंदप्पकरा दवकरा कोक्कुइया किडक्कारा य वायंता य गायंता य हसंता य णच्चंता य भासंता य सावेंता य रक्खंता य रवेंता य आलोयं च करेमाणा,
जयसदं पउंजमाणा पुरओ अहाणुपुब्बीए संपट्ठिया। ॐ अश्व सेना * तयाणंतरं च णं जच्चाणं तरमल्लिहायणाणं हरिमेलामउलमल्लियच्छाणं चंचुच्चिय
ललिय-पुलियचल-चवल-चंचलगईणं, लंघण-वग्गण-धावण-धोरण-तिवईजइणसिक्खियगईणं, ललंत-लाम-गललायवर-भूसणाणं, मुहभंडग-ओचूलगथासग-अहिलाण-चामर-गण्ड-परिमण्डियकडीणं, किंकरवर-तरुणपरिग्गहियाणं के अट्ठसयं वरतुरगाणं पुरओ अहाणुपुबीए संपट्ठियं । गज सेना
तयाणंतरं च णं ईसीदंताणं ईसीमत्ताणं ईसीतुंगाणं ईसीउच्छंगविसालधवलदंताणं कंचणकोसी-पविट्ठदंताणं कंचणमणिरयणभूसियाणं, वरपुरिसारोहगसंपउत्ताणं अट्ठसयं ग याणं पुरओ अहाणुपुबीए संपट्ठियं।
समवसरण अधिकार
(171)
Samavasaran Adhikar
*
Jain Education International
For Private & Personal Use Only
www.jainelibrary.org
