Page Text
________________
धर्मोपदेशमालायाम् इहेव भरहवासे 'अपरिमिय-गुण-णिहाणं वसंतउरं णयरं । तत्थ य णिय-विहव-रूवणिज्जिय-वेसमण-मयणो जिणदत्तो णाम इब्भ-सुओ अहिगय-जीवाजीवो' समुवलद्धपुन-पाओ(वो) संघर-बंध-णिज्जरा-कुसलो । सो अन्नया वाणेज-वडियाए गओ चंपाए । तीए य परम-माहेसरो घणो नाम सत्थवाहो । तस्स य दोनि अच्छेरय-विष्भमाणि । चउसमुद्द-सारा मुत्तावली, ओहामी(मि)य-सुरसुंदरी-गुणा य हारप्पहाभिहाणा धूया ।
धणेण य सह जाओ संववहारो जिणदत्तस्स । गेहमुवगएण य दिट्ठा उवरिम-तलारूढा हारप्पहा । चिंतियं च णेण-अहो ! से रूवं, अहो ! से सोमया, अहो! से लायन्नं, अहो ! से जोवणं, अहो ! से कला-कोसलं, अहो ! से नीसेस-गुणाहारय त्ति । अवि य
"जं जीए सुंदेरं विहिणा तं गिहिऊण निम्मविया ।
सुरसुंदरीण ऐसा वियप्पियं तस्स चित्तेणं ॥" कहं एसा पाविया ति चिंतितेण मग्गाविओ धणो बहुप्पयारं । ण देना, गओ णियय-त्थामं । तीए करण कय-छन्न-वेसो पत्तो पुणो वि चंपाए । भणिओ उवज्झाओ'मम वक्खाणं कुणसु। तेण भणियं- 'भोयण-रहियं देमि ते व(वि)जं । भोयणं धणं मग्गसु,
जेण तग्गेहं दियहं दियहं पंच भोयण-सयाणि पु(8)जंति ।' गओ एसो भोयण-निमित्तं, 1 मग्गिओ धणो । तेण वि भणिया हारप्पहा- 'वच्छे ! इमस्स जं वा तं वा देजसु । तेण चिंतियं सुंदरं जायं । जं बिरालो वल्लूरेण दामिओ, जं च णिप्पन्नाहाराए रसवईए छुहालू छूढो, जं च वान(ण)रो पुप्फ-फल-समिद्धे काणणे छूढो, सूए घयं पयर्ट्स', जं च पंसुलि-सत्थे संपत्तो वियड्ड-जुवाणओ। सो अ तुरंतो पुप्फ-फलाईहिं तं उवयरिउमाढत्तो।
सा य णेच्छइ । ततो य से छंदमणुयत्तंतेण, इंगियं संपाडतेण, विणयं करेंतेण, ५० अवसरे जपतेण, नियय-कोसल्लं दावेंतेण, थक्के सुहासियं पढ़तेण, वियड्ड-गुडिं वित्थारंतेण, परियण-चेत्तमाराहिंतेण, महत्थत्तणं पयातेण, देस-कालावसरे दाणं देंतेण, वम्मह-कहं कहतेण, सव्वहा किं बहुणा ? समासन्न-वत्तिण्णा अंतरेण आवज्जियं से चित्तं ति । अपि च
"आसन्नमेव नृपतिर्भजते मनुष्यं विद्या-विहीनमकुलीनमसंस्तुतं वा।
प्रायेण भूमिपतयः प्रमदा लताश्च यत् पार्श्वतो भवति तत् परिवष्टयन्ति ॥" "लोया य समासन्नं पेच्छिऊण अमरिसेण खलीकरेंति । अणवसरो त्ति काउं ण तेसिं अवयारे पयट्टइ । अन्न-दियहमि भणिओ जिणदत्तो हारप्पहाए- 'भणसु, किं ते करेमो ?' । तेण भणियं- 'कहिस्सामो, जया तुमं संपसाया भविस्ससि । तीए
भणियं- अलं पुणर(रु)त्तोवन्नासेणं, जंपसु जं ते समीहियं, सुअणु ! जेण संपाडिजइ ।' ३० तेण भणियं- 'जइ सच्चं संपाडेसि, ता णिसुणेसु त्ति । अवि य
"गुरु-विरहान(ण)ल-तवियं मम देहं नियय-संगम-जलेणं ।
अहिसिंचसु तुरिययरं जइ कुणसि समीहियं सुअणु ! ॥" १ क. मि । २क. °वे। ३ क. पाउ। ४ क. प्रय। ५क. पसा। ६ क. °य त्ति । ७ ह. क. ज. इम्म । ८ ज. राण। ९ क. °हूँ। १० क. स । ११ क. भो। १२ क. साया। १३ क. °ए°।
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |