Page Text
________________
धर्मोपदेशमालायाम् जियसत्त राया। तत्थ य णिय-कम्माण उहाण-परो पहाण-दियवरो । तस्स य समत्थदोसेक मंदिरं सुउ ति । अवि य
तण्हाइएहि व दढं पडिवण्णो सो असेस-दोसेहिं ।
'सुइ(मिणमि वि परिहरिओ गुण-लेसेणावि दूरयरं ॥ । अणालिओ अकुणंतो णीणिओ गुरूहि, भमंतो य जहिच्छं संपत्तो पल्लीए, समल्लीणो पल्लिनाहस्स । तेण वि पडिवन्नो स-बहुमाणं पुत्तत्ताए त्ति । अवि य
"मृगा मृगैः सङ्गमनुव्रजन्ति गावश्च गोभिस्तुरंगैस्तुरङ्गाः ।
मूर्खाश्च मूखैः सुधियः सुधीभिः समान-शील-व्यसनेषु सख्यम् ।।" जओ दढं पहरइ ति पुचणाममवहत्थिऊण कयं से दढप्पहारि त्ति णामं । कालंतरेण " य मओ पल्लिणाहो । णियय-सोंडीरयाए सो च्चिय पल्लिबई जाओ । उहिया णिद्देस-परा सचे वि पल्लिवासिणो । अपि च"नाभिषेको न संस्कारः सिंहस्य क्रियते मृगैः । विक्रमार्जित-सत्त्वस्य स्वयमेव मृगेन्द्रता ॥"
तओ तत्थ पाणिणो घायंतस्स, अलियं भणंतस्स, पर-दबावहरणं करेंतस्स, परदाराणि सेवंतस्स, परिग्गहारंभेसु वट्टमाणस्स, महु-मज-कुणिमाहाराइ परिसंजंतस्स, ॥ गामागर-सत्थे घायंतस्स समय(इ)कंतो को वि कालो त्ति । अवि य -
"कुसलाणुबंधे कम्मोदएण धम्मत्थ-काम-संजोत्ता ।
बच्चंति वासरा सुपुरिसाण पावाण विवरीया ॥" अन्नया सञ्जिया धाडी णिवडिया गामे विलुपंती य परिवाडीए पत्ता रोर-बभण-गेहं । ण केंचि लद्धं, णवरं तक्खण-संसिद्ध-पायस-पडिपुन्न-थालिं गहेऊण गया भिल्ला गाम20 मज्झे । ततो पणट्ठासाणि छुहा-परद्धाणि रोवमाणाणि णिग्गयाणि डिंभाणि पिउणो
समीवं । भणियं च हिं-ताय! सो सम्बो पायसोंबाए पिक्खमाणीए गिहिऊण पहाविया भिल्ला गाम-मज्झे । ततो रोस-वस-तंबिरच्छो गहिय-लउडोऽणुपयं गओ बंभणो । देवा भिल्ला, समाढत्तं भंडणं । अहो! एस च(व)कयरो मम भेल्ले अभिभवइ ति मन्नमाणेण वावाइओ दढप्पहारिणा । इमं च सोऊण गब्भ-भर-णीसहंगी आगया बंभणी। भणिो णाए "भिल्लाहिवो- "आ पाव ! णिरणुकंप ! सरणागय-घायग! परदारासत्त! अलिय-वयण! चोर ! अणज! विलाय(लया)-गो-भण-मारग! अच्चंताहम! चंडाल! निग्घिण ! कयग्ध ! खल! पिसुण ! अदट्टव ! णीलज! असंतुट्ठ! महापाव ! किमेयं तए क्वसियं?" पुणेरुत्तमुक्कोसंती समुप्पन-कोवेण वावाइया सा वि । तओ फुरफुरायमाणं गभं णिएऊण संवेग-सारं चिंतियमणेणं-धिरत्थु मम पावस्स, जस्सेरिसं चिट्ठियं । ता किं जलणं "पविस्सामि ?, अणसणं करेमि ?, सत्थयारे पुच्छामि ?, भयरवाउ पडामि ?, महापहं बच्चामि ?, तित्थेसु हामि?, मुणिणो सेवेमि ?, तिणयणमाराहेमि ?, भदियं थुणामि ?, दिवसयरं झाएमि ? । अवि य
इय एवंविह-चिंतापरेण दिट्ठो महामुणी तेण ।
पाएसु णिवडिऊणं सिटुं णिय-चिट्ठियं सर्व ॥ १ प. मुय । २ ज. उ। ३ प. गच्छं। ४ न. रो। ५ ह. रत्त ।
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |