________________
धर्मोपदेशमालायाम् राओवणि(णी)य-सीहासणंमि विट्ठो वि पायपीढे वा । जिट्ठो अण्णयरो वा गणहारि कहेइ बीयाए । संखाए उ भवे साहह जं वा पुरोओ पुच्छेजा।
ण य णं अणाइसेसी वियाणई एस छउमत्थो । । पडिवुन-दुइ-पोरिसीए वि उद्विओ गणहरो। देवाइणो वि गया सहाणेसु, साहुणो वि पविट्ठा णयरीए भिक्खा-निमित्तं । रहणेमी वि कारणंतरेण एगागी वासाहिहओ णयरि-उजाणंतर-गिरि-गुहाए णिलुक्को, थेव-वेलाए वासाभिहया पविट्ठा तत्थेव राइमई वि । तेनाणि वत्थाइणि विसारंतीए दट्टण सरीर-सोहं संजाय-मयणेण अणविक्खिऊण इह-परलोग-भयं भणिया रहणेमिणा- 'भद्दे ! एहि, मुंजामो ताव भोगे, पुणो वि " पच्छिम-वयंमि पवजं काहामो ।' मुणिय-रहनेमि-सहाए ससज्झसाए ठवेऊण अप्पाणं भणियं राइमईए । अवि य
"तुच्छ-रह-सोक्ख-कले मा मुंचसु मेरु-विब्भमं सीलं । इह परलोए जम्हा दुहाई पावंति हय-सीला ॥ इह लोगम्मि अकित्ती कुल-मालिण्णं पयाव-परिहाणी । असरिस-जणे-हीलणया अपच्चओ' चित्त-संतावों ॥ नरवइणो गरुय-भयं जणणी-जणयाण होइ संतावो । इय जायंते बहवो दोसा इह सील-रहियस्स ॥ घम्माइसु सीमंताइएसु णरएसु तिव-दुक्खाई। पावंति विगय-सीला तेत्तीसं सागरा जाव ॥ गय-गवय-गोण-गंडय-चग्य-तिरेच्छ-च्छभल्ल-तिरिएसु । तण्हा-छुहाइ-दुक्खं लहंति णरओवमं चित्तं ॥ तत्तो धम्माइ-विवजिएसु तिरिओवमेसु पुरिसेसु । द(इ)यरेसु य कुपुरिस-विम्भमेसु दुक्खाई चित्ताई ॥ इय णारय-तिरिय-णरामरेसु दुक्खाई अन्न-जम्मम्मि । पाविति गट्ठ-सीला णाणा-रूवाणि चित्ताणि ॥ गह-भूय-रोग-तक्कर-कुसु(स)उण-दुस्सुमिण-णरवइ-भएहिं । जलणाहि-सत्तु-करिवर-मइंद-णीराइ-जणिएहि ॥ सुमिणमि विणोत्थप्पड पसत्थ-सीलो किमेत्थ अच्छेरं ? । ण कयाइ वि सुरसेलो चालिजह पलय-पवणेहिं ॥ आमोसहि-विप्पोसहि-खेलोसहि-जल्ल-गयण-गमणाओ । जंघा-विजा-चारण-आसीविस-भिन्न-सोआई ॥ अक्खीण-महाणसि-कोट्ठ-बीय-वेउवि-पयणु-बुद्धीओ।
खीरासव-महुआसव-लद्धीओ चित्त-रूवाओ । ११. बच। २ ज. जग। ३. ज. °उदि। ४ क. संसारो। ५ ह. थे । ६ ज. उ ।
Jain Education International
For Private & Personal Use Only
www.jainelibrary.org
