Page Text
________________
शीले राजीमती-कथा। णिय-जस-धवलेणं चंदणेण वयणं पि से कयं पवरं । मयण-पणाहो अहरो कामे व कोऽणुरागेल्लो ॥ णव-सरयागम-णेम्मल-विराट्ट-कंदोट्ट-दल-सुसोहिल्लं । लोयण-जुयलं पि कयं कजल-रय-रंजियं तिस्से ॥ महमास-सिरी विष से मुहम्मि तिलओ समोग्गओ सहइ । छज्जेति तीए अलया मुह-गंधावडिय-भसल ॥ मणहर-सदाणं दिय-समत्थ-जिय-लोय-लोयण-मुहाई । मणि-नेउराई तिस्सा चलणेसु कयाइं हंसो व ॥ पिय-पणईहिं पिव वेंटियाइ चलणंगुलीओ पडिवण्णा । कामि-हिययं व बद्धं रसणा-दामं णियंबंमि ॥ कंठावसत्त-बहुगुण-पओहरुच्छंग-चड्डियाणंदो । कामि व जणिय-सोक्खो मुत्ता-हारो वि से रइओ ॥ पिय-वयणाई पिव कुंडलाइं सवसो(सा) सुतीइ रेहति । सीसंमि सहइ चूडामणी वि आण व जय-गुरुणो ॥ इय जाव पसाहिजइ रायमई णिउण-सहि-समूहेण ।
ताव कुमारो वि दढं पसाहिओ देव-रमणीहि ॥ ततो समारूढो एरावण-संकासं मत्तवारणं, समागया दसारा सह बलएव-वासुदेवेहि । एत्थंतरम्मि समाहयाई मंगल-तूराई, उब्भियं सिया[य]वत्तं, आवरिया जमल-संखा, पगाइयाई मंगलाई, जय-जयावियं तियस-मागहेहिं । चोइओ गय(ई)दो पयत्तो गंतुं । समुच्छलिओ कलयलो । तओ थुर्वतो अणलिय-गुण-संथवेणं, अहिलसिजंतो सुर-मणुय- 20 सुंदरीहिं, पसंसिञ्जमाणो तिहुयणेणं, धवलिजंतो सुरसुंदरी-णयण-धवल-पहाहिं, महया विच्छड्डणं संपत्तो विवाह-धवलहरासन्नं । तओ कलुणकंदं सोऊण जाणंतेणावि जिणेणं पुच्छिओ सारही - 'भो ! काण पुण मरण-भीरुयाणमेस कलुण-सदो? ।' सारहिणा भणियं- 'देव ! एते हरिण-सूयराइणो तुज्झ वारेजय-परमाणंदे वावाइऊण आमिसभोयणेण लोगा मुंजाविस्संति ।' तओ पणामिऊण से आभरणाणि, भणिया लोगा जिणेण - "भो भो ! केरिसो परमाणंदो ! जम्मि एयाण णिरावराहाण दीण-चयणाण असरणाण खुहा-पिवासा-वाहि-वेयणा-पीडियाण कलुण-सराण वहो कीरइ ! ता किमणेण इह परलोगे य सारीर-माणस-दोक्ख-हेउणा स-परोभय-जणिय-संतावेण वारेजएण?" भणंतेण चोआविओ हत्थी उर्जिताभिमुहं । अवसरु ति काऊण संपत्ता सारस्सा(स्स)याइणो लोगंतिया अमरा । एवं भणियं च णेहिं - 'भयवं! तेत्थं पवत्तेहि। 20 अवि य
सारस्सयमाइच्चा वही वरुणा य गद्दतोया य । तुसिया अव्वावाहा अग्गिचा चेव रिट्ठा य ।। एते देव-णिकाया भयव बोहिंति जिणवरिदे(द) तु । सम्व-जगजीव-हियं भयवं! तेत्थं पवत्तहि ॥"
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |