Page Text
________________
धर्मोपदेशमालायाम विगलियारवेंद-मयरंदांसवेंदु-णिवद्ध-चंदयाहिरामं जलाउलं । कहिं पि पफुल्ल-चंपय-महुपाण-वसत्त-हंसकामिणी-कय-महाकोलाहलं । कहिं पि वणदेवया-केसपास-निवडंत-कुसुमरय-रेणु-रंजियं । कहिं पि अभिसेय-निमेत्तागय-सुरवहु-थंण-कलश(स)-चंदण-धूलि
धवलिय-तगर-मालाउलं । कहिं पि पेरंत-जाय-केयई-रयपड-धवलिय-नीर-कल्लोलाउलं । 5 कहिं पि संपत्त-दिसागयंद-जजरिय-जरढ-मुणाल-दंड-खंडोवरेहिरं । कहिं पि हर-वि(व)
सभ-विसाण-कोडि-खंडिय-निविड-तड-प्पहार-कलुसिय-जलाउलं । कहिं पि एरावय-दंतमुसल-खंडिय-मुणाल-णिवह-संगयं । कहिं पि महुमत्त-भमिर-भमरोलि-झंकार-विलुलियारवेंद-केसर-पभोरं ति । अवि य
पप्फुल्ल-कुमुय-तारे णरेंद-धयरट्ठ-चंद-सोहिल्ले । जल-जोण्हा-पडॅहत्थे सरवर-गयणम्मि अवयरिया ॥ दइयायण-परिवारो सरवर-मज्झम्मि सहइ गोविंदो । सुरकामिणीहिं सहिओ खीरोय-जलम्मि इंदो छ । विलसंतमि नरेंदे सर-सलिलं घुसिण-राग-सोहिल्लं । जायं सुपुरिस-जोगों अणुरायं कस्स ण जणेइ ? ॥ दूरुण्णय-गरुय-पओहराए एक्काए णोल्लिओ कण्हो । निवडइ वच्छुच्छंगे मोत्ताहारो व अन्नाए ॥ अणुणेइ जाव इक्कं कुवलय-दल-दीहराए दिट्टीए । रोस-फुरियाहराए दूमिजद ताव अन्नाए । कीलाइ जैले बुडं एक किर जाव कड्डए राया। नीलुप्पलेण पहओ अन्नाए ताव पुट्टीए॥ तरु-सिहर-मुक-देहा णिवडइ महुसूयणस्स वच्छम्मि । मयरो त्ति का वि भणिरी तं चिय आलिंगए बाला ॥ जल-केलीइ णेबुड्डो णियंसणं जाव हरइ एकाए । अन्नाए ताव देण्णो बाहु-लया-पासओ तस्स ॥ जूइयरो इव सारिं जलयर-मज्झाउ कड्डए जाव । इकं ता दुइयाए च्छोभइ अत्थाह-नीरम्मि । रेहइ पियाहिं समयं रंगंत-तरंग-सलिल-मज्झम्मि । रिक्खावलि-परिवारो पडिमा-पडिओ "मियंको छ । पिय-परिहास-हियसुय-लजोणामिय-मुहीए काए वि। आलिंगेजइ सो चिय दोसो वि फुडं गुणो जाओ॥ मोत्तूण पंकयाई मयरंदोदाम-सुरहि-गंधाई। परिमल-गंधाइड्डिय-भसला सेवंति वयणाई॥ इय णिय-परियण-सहिया हलहर-गोवेंद-णेमिणो णयरं ।
रमिऊणं संपत्ता सुर व खीरोय-जलणिहिणो॥ १क. दुमज. मयरंदोम°। २ ज. घग । ३ ज. तीर । ४ ज. जज रिजजरिय। ५ ह. ज. त्ति। ६ प. °भारे। ७ ज. प.हह। ८ ज. जोगे। ९ ज. गो। १० ज. जसेवा, प. जलयु। ११ प. ज. सुक्क, देहो। १२ ज. म°। १३ ज. "मुयलजोगिय'। १४ ज. गोरि ।
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |