Page Text
________________
२०२
धर्मोपदेशमालायाम्
राइणा सिलाए मंडवो कराविओ' । तेण भणियं - 'एहि ताव भुंजामो, पच्छा करिस्सामो' । पुणरुत्तं च तेण भणिया गया सगेहेसु । अण्ण - दियहम्मि खणाविऊण दीह - खडुं निवेसिया तत्थ सिला, तस्स तले ठियं सवं । निवेइयं राइणो । 'केण कथं ?' पुच्छिए सिहं - 'रोहण' ॥ तओ मेंढओ पट्टविओ, भणाविया य - 'एस पक्खेण • एति चिय पचप्पिणियवो, न दुब्बलयरो, न बल(लि) ओ' । रोहओ पुच्छिओ । तेण वरुण सह बंधाविओ । बलं जायं पि तद्दंसणाओ अवेह || पुणो कुक्कुडो पेसिओ 'एस एक्कागी जुज्झावेह' । अदाओ पुरओ कओ, तत्थ चुर्णतं पडिबिंबं दट्ठण जुज्झिउं पयत्तो ॥ पुणरवि तिलाणमणेगाणि खारि-सहस्साणि पेसियाणि; 'तिल-माणेण य तेलं दाय' । तओ आयरिस-माणेण गहिया । पुणो भणाविया - 'वालुया वरत्तं पट्टवेह' । तेहिं " भणियं - 'सण्हा धूरा वा जारिसी कायद्या, तारिसं पमाणं दंसेहि' ।। पुणरवि जुण्णो पेसिओ करी । अणु-दियहं च जीयंतस्स उत्ती दायवा, न मयस्स । तओ तम्मि मए विन्नत्तं राइणो - 'देव ! अज सो हत्थी न उट्ठेइ, न चरइ, न पियइ, न ऊससह, न नीससइ' । राइणा भणियं - 'किं मओ ?' । तेहिं भणियं - 'देवो भणई' ॥ पुणो वि भणाविया - 'नियय - कूवं पटुवेह' । तेहिं मणियं - 'नागरिय - कूवियं पट्टवेसु, जेण से मग्गाणुलग्गो आगच्छइ । पुणरवि भणाविया - 'वणसंड उत्तरदिसाउ दाहिणेण करेह' । तओ आवासिओ उत्तरदिसाए गामो || पुणरवि भणाविया - 'अग्गिणा विणा पायसं रंधेह' । अइवडखर - पलाले खीर- तंदुलेहिं सह थाली निक्खित्ता । उण्हाए य सिद्धो पायसोति ॥ तओ सो च्चिय भणाविओ रोहओ जहा - 'तए आगंतवं, नवरं न कसिण - पक्खे, न सुके; न दिवसओ, न राईए; न च्छायाए, न आयवेणं; न पंथेणं, न 20 उप्पणं; न व्हाएणं, न मइलेणं; न जाणारूढेणं, न पाय चारेणं; न छत्तेणं, न आगासेणं' । तओ अंगोहलिं काऊण चक्क - मज्झभूमीए एडकयारूढो चालणी - निमिउत्तिमंगो संज्झा - समयम्मि अमावासाए आगओ ति । साहियं राइणो- 'जहाssest आगओ रोहओ' । तत्थ सबहुमाणं पूहऊण ठविओ समासणे | पढमजाम-विउद्धेण पुच्छिओ नरवईणा - 'सुत्तो १, जग्गसि ?' । तेण भणियं - 'जग्गामि' । 'किं " चिंतेसि ?' । तेण भणियं - 'अस्सत्थ- पत्ताणं किं दंडो महल्लो, उदाहु सिह ?" ति । राइणा भणियं - 'साहेसु' । तेण भणियं - 'दो वि समाणि' ॥ बिइय- पहरे वि पुच्छिएण कहियं जहा - 'छगलिया - लिंडियाओ वाउणा कढिणाउ हवंति' ॥ तइय- पहरे विबुद्धेण पुच्छिओ - 'किं चिंतेसि ?' । तेण भणियं - 'खाडहिलाए जेत्तियं पुच्छं, एवइयं सरीरं, जेत्तियं पंडरं, तेत्तियं कालं ति ॥ चउत्थ-जामे बोहिंतो वि जाहे वायं न देइ, • तओ कंबियाए विद्धो पुच्छिओ - 'जग्गसि, सुवसि वा ?' । तेण भणियं - 'जग्गामि' । 'किं चितेसि ?' | तेण भणियं - 'पंचहिं पियरेहिं तं जाओ - राइणा, वेसमणेण, चंडालेणं, रयएणं, विछिएणं । 'कहं वियाणसि १' । तेण भणियं - 'नाएण पुहई पालेसि जेण, तेण राय- पुत्तो | अपरिमिय- दव्व-दाणाओ वेसमण-सुओ । रोसेण चंडालो । सङ्घस्स रय-हरणेणं रयगो । कंबियाए विंधणेणं विंछिय-जाओ' ति । निबंघेणं ३ ह. क. उप्प° । ४. के दि° ।
१. पचिपिण° । २६. विरुवे ।
18
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |