Dharmopadeshmala Vivaran

SR No.: 002785
Original Sutra Author: N/A
Author: Jinvijay
Publisher: Singhi Jain Shastra Shiksha Pith Mumbai
Publication Year: 1949
Total Pages: 296
Language: Sanskrit, Hindi
Classification: Book_Devnagari & Religion
File Size: 18 MB

Page 237

१८२
धर्मोपदेशमालायाम् जोवणस्स, चंचलयाए इंदियाणं, महावाही विव पयडिय-महादुक्खो वियंभिओ सवंगिओ विसमसरो । चिंतियं च णाए- 'वोलीणो तेण निचुडएण दिनो अवही, न संपत्तो, ता पवेसेमि जुवाणयं किंचि' । भणिया एएण वइयरेण रहस्स-मंजूसियाहिहाणा चेडी । तीए भणियं
"एत्तिय-कालं परिरक्खिऊण मा सील-खंडणं कुणसु ।
को गोपयम्मि बुडइ जलहिं तरिऊण बालो वि? ॥" वहूए भणियं-'हले! संपयं न सकुणामि अणंग-बाण-घायं, ता किमेत्थ बहुणा ? पवेसेसु किं पि' । तीए भणियं- 'जइ एवं ता मा झूरसु, करेमि में समीहियं । तओ साहिओ एस वुत्तंतो सासूए । तीए वि भत्तुणो । तेण वि तीए सह कवड-कलहं काऊण "भणिया बहू - 'वच्छे ! न एसा तव सासू घर-पालणस्स जोग्गा, ता पडिय(व)यसु सई तुमं । 'एवं'ति पडिवन्ने निरूविया सेवेसु गेह-कायवेसु । तओ रयणीए चरम-जामे उहिऊणं तंदुलाई-खंडण-पीसण-सोहण-रंधण-परिसेव(वेस)णाईणि, अण्णाणि य अणेगाणि कायवाणि जहण्ण-मज्झिमुत्तमाणि करतीए कुसुमाभरण-वत्थ-तंबोल-विलेवण-विसिट्ठाहाराहि(इ)-रहियाए कमेण पत्तो रयणीए पढम-जामो । भुत्तं सीयल-लुक्खमणुचिय1 भोयणं । अचंत-खिण्णा पसुत्ता एसा । एवमणुदिणं करेंतीए पण?-रूव-लावण्ण-तंबोलविलेवण-वम्महाए वोलीणो कोइ कालो । 'अवसरो'त्ति काऊण भणिया दासचेडीए - 'किं आणेमि पुरिसं?" । तीए भणियं- 'हले ! मुद्धिया तुमं जा पुरिसं झायसि, मज्झं पुण भोयणे वि संदेहो' । कालंतरेण य आगओ भत्तारो । कयं वद्धावणयं । तुट्ठा वहू सह गुरुयणेणं ति । एसो उवणओ-जहा तीए कायवासत्ताए अप्पा रक्खिओ, एवं साहुणा "वि किरिया-नाणाणुट्ठाणेणं ति ।
सुयदेवि-पसाएणं सुयाणुसारेण साहियं चरियं । वहुयाए निसुणतो अप्पाणं रक्खए पुरिसो॥
-~~ [९८. नित्यप्रवृत्तौ पिशाच-कथा] - दुइयं-अस्थि कंचणपुरे महेसरदत्तो वाणिओ । तेण य सविहाणो पाविओ को ॥वि पिसाय-साहणो मंतो । कालंतरेण य सिद्धो पिसाओ । भणियं च णेण- 'खणं पि नाहं अबावारो धरेयवो' । 'एवं' ति पडिवन्ने दिन्ना वणिएण आणा- 'करेसु सत्तभूमियालंकियं पासायं' । 'मणसा देवाणं कज-सिद्धि' ति कओ पासाओ । पुणो वि दिण्णो आएसो-'भरेसु सुवण्ण-हिरण्ण-धण-धन्नाईणं' । तम्मि निवत्तिए आणाविया कोसलविसयाओ करिणो, उत्तरावहाओ तुरंगमा ति । अवि य
"जं जं जंपइ वणिओ तं तं सवं करेइ सो ढयरो । पच्छा हिमवंताओ खंभमाणाविओ तेण ॥ निक्खिविउं भूमीए उत्तर-चडणाईयं कुणसु ता एत्थ । जाव अवसरेण आणं परिचिंतिय देमि भो! तुज्झ ॥"