Page Text
________________
धर्मोपदेशमालायाम् इय पुव-भवोवञ्जिय-विसिट्ट-पुन्नाणुभाव-संजणयं ।
नरवइणो जइ लच्छि वन्नेउं को किर समत्थो? ॥ पउमुत्तरमुणी वि कालंतरेण कय-सामण्णो गओ निवाणं । विण्हुकुमारसाहुणो वि उग्ग-तपोविहाण-निरयस्स नाण-दंसण-चरणेहिं वट्टमाणस्स उप्पण्णाओ आगासगमणविउवियाओ नाणाविहाओ लद्धीउ त्ति । अवि य
मेरु व तुंगदेहो वच्चइ गयणम्मि पक्खिनाहो छ । मयणो व रूववंतो अकुलीणो होइ तियसो छ । गयणं पिव सत्वगओ पडाउ एकाउ जणिय-पड-कोडी । घडयाउ घड-सहस्से तेइल्लो पलय-सूरु व ॥ इय चित्त-तव-विचित्ता लद्धीओ होंति साहुवग्गस्स ।
इह लोगम्मि पसत्था परलोगे सग्ग-मोक्खा य । अण्णया मासकप्पेण विहरमाणो संपत्तो वासारत्तासण्णम्मि हथिणाउरं ससीसो सुयायरिओ । आवासिओ बाहिरुज्जाणे । संपत्ता से वंदण-वडियाए नरिंदाइणो । समाढत्ता धम्मकहा । 'निंदिया मिच्छत्ताइणो पयत्था, पसंसिया सम्मत्ताइणो । तओ के ॥ वि मुणिय-जहट्ठिय-तित्थयर-वयणा पवइया, अवरे सोवगा जाया । अण्ण-दियहम्मि मिच्छत्ताहिनिवेसेण भणिओ आयरिओ नमुइनामेण मंतिणा- "भो भो ! एयारिसा तुब्भे अमुणिय-परमत्था जेण पञ्चक्खोवलब्भमाणाणंद-सरूवं विसय-सुहमुज्झिऊण अंगीकओ सव-पासंडि-दृसिओ विसिट्ठ-जण-परिहरिओ जिणधम्मो । तहा नियय-सिरिं
उज्झिऊण अंगीकया भिक्खा । अहवा लोचिय-सीस-तुंडाण च्छाराभाकुंडलियाण 1. केत्तियमेयं ? ति । अवि य
जत्थ न इ पुरिस-पूया न अग्गिहोओ न वेय(चेव) दिय-दाणं ।
सो भो ! न होइ धम्मो अह धम्मो भणसु ता मूढा ॥" 'अबो ! मुक्ख-सढो असमिक्खियाहिवाई य एस मंती, ता किमणेण सह जंपिएण?' भावेतो ठिओ तुहिको सूरि त्ति । अवि य
“विद्वानृजुरभिगम्यो विदुषि शठे चाप्रमादिना भाव्यम् । ___ मूर्यो जडोऽनुकम्प्यो मूर्ख-शठः सर्वथा त्याज्यः ॥" तओ लद्धावसरो पुणरुत्तं निंदतो लजायमाणेण भणिओ सूरिणा- 'भो ! जइ वायसामत्थमस्थि, ता करेसु पुव-पक्खं । तओ पाएसु पडिऊण भणिओ चिल्लेणायरिओ त्ति ।
"विलसंत-दाण-परिमल-गंधायड्डिय-भमंति(त)-भमरेसु । केसरि-कम्मो विरायइ सुरदंति-समेसु दंतीसु ॥ चालिय-नीसेसाचल-जुगंत-पवणस्स देव-सामत्थं । रेहइ कुलसेल-विओइ(ड)णम्मि न य रुक्ख-गहणेसु ॥ निय-दिहि-दिट्टि(ढ)-सो(सा)सिय-समत्थ-सत्तेसु देवगुरुलस्स । दिट्ठीविसेसु छजइ चंचु-निवाओ न कीडेसु ॥ परिमुणियासेस-समत्थ-सत्थ-संजाय-पायड-जसेसु ।
सुरगुरु-समेसु रेहइ तुह वयणं न उण मुक्खेसु॥ १ क. °णयागं। २ ह. क. °उ। ३ क. घडि । ४ ह. क. निंद। ५ह. क. साम ।
Jain Education International
www.jainelibrary.org
For Private & Personal Use Only
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |