________________
।
सङ्घ गुरुकाय शक्तिप्रकटने विष्णुकुमार-कथा ।
१६७ जयारवापूरिजमाण-दिसा-मंडलं । अवि य, कहं पुण विजाहरा हिंवेण चकवट्टि-बलं सरेहिं छायं ? ति । अवि य
छाएइ पर-बलं सो बाण-सहस्सेहिं लद्ध-पस रेहिं । निय वाणेहिं व मयणो सवलं महि-मंडलाभोग ।। दीसइ न गेण्हमागो संधितो वा विकङ्कमाणो वा । कामो व तह वि विंधइ असंख-संवेहि वाणेहिं ।। नासेइ नरिंद-बलं उदय-स्थी दीहरेहिं बाणेहिं । सूरो च दुरालोगो नित्थरिथ तिमिर-निउरबं । इय संकुल-रोणावइ-विचित्त-जुज्झेहिं जुज्झिउं ताहे । लग्गा दुन्नि वि पहुणो विजाहर-भारह-नरिंदा ॥ आयण्णायड्डिय-धणु-विघुक्क-सर-लियर-भरिय-नह-मग्गा । दोनि वि साहस-सोसिय-सुरसुंदरि-मुक-बरमाला ।। दोन्नि वि गुरुय-पयावा दोन्नि वि विलसंत-रुहिर-पडिहत्था । दोनि वि वंचिय-पहरा दुन्नि वि जय-लद्ध-माहप्पा । दोणि वि वग्गिर खग्गा दोनि वि कुल-जलहि-पुण्णिम-मियंका। जुझंति दो वि दूरं नहंगणुग्घुट-जयसदा ।। चकरयणम्मि गहिए फुरति जालाउलम्मि पाए । पडिओ य खयरनाहो भरहाहिराइणो ताहे ॥ खंडप्पवायगुहाए पच्छा गंतूण साहिओ देवो । नामेण नट्टमालो नरवइणा तीए नीहरिओ ॥ गंगा-कूलम्मि तओ नव निहिणो चकिणो उपनमंति । गंगाए दाहिणिल्लं सेणाणी निक्खुडं जिणइ ॥ नेसप्प-पंडु-पिंगल-रयण-महापंउम-कालनामे य ।
तत्तो य महाकाले माणवगमहानिही संखे ॥ [१] नेसप्पम्मि निवेसो गामागर-नगर-पट्टणाणं च ।
दोणमुह-मडंबाणं खंधाराणं गिहाणं च ॥ [२] गणियस्स उ उप्पत्ती माणुम्माणस्स जं पमाणं च ।
धण्णस्स य बीयाण य उप्पत्ती पंडए भणिया ॥ [३] सबा आहरण-विही महिलाणं जा य होइ पुरिसाणं ।
आसाण य हत्थीण य पिंगलगनिहिम्मि सा भणिया । [४] रयणाण सवरयणे चोद्दस वि वराण चकवाट्टिस्स ।
उप्पजंते एगिदियाणि पंचेंदियाइं च ॥ [५] वत्थाण य उप्पत्ती निष्फत्ती चेव सबभत्तीणं ।
रंगाण य गंधाण य सवा एसा महापउमे ॥
Jain Education International
For Private & Personal Use Only
www.jainelibrary.org
