Page Text
________________
द्रव्याटव्यां धनसार्थवाह कथा ।
१५५
सि । एवं सोऊण पयट्टा अणेगे समण- बंभण- वणियाइणो | ताणं च मिलियाणं पंथस्स गुण-दोसे सत्थाहो कहिउमादत्तो - 'इह खलु देवाणुप्पिया ! इट्ठपुरस्स दोनि मग्गा वच्चंति; एगो उज्जुओ, [ बीओ ] कुडिलो । इमिणा य मणागं सुहेण गम्मइ, बहुणा कालेण इच्छियं पुरं पाविज्जइ; अवसाणे य सो वि उज्जुगं - समोयरइ । पढमेण पुण सिग्धं गम्मद, किं तु किलेसेण; जेण सो अच्चंत - विसमो सण्हो य । तत्थ पत्थारे व दोन महाघोरा वग्ध-सिंघा निवसंति, ते अभिक्खणमुवद्दविति, मग्ग-ट्ठियाण य न पभवंति, अवसाणं च जाव अणुवर्द्धति । रुक्खा य एत्थ एगे मणोहरा, तेसिं छायासु वि न वीसमियां, मारण- पिया खु सा छाया । परिसडिय - पंडु-पत्ताणं पुण अहो मुहुत्तगं वीसमिति । मणोहर रूव-धारिणो महुर-वयणा य एत्थ मग्गे तड-डिया बहवे पुरिसा वाहरंति, तेसिं वयणं न सोयवं । सत्थिया य खणं पि न मोत्तष्वा । 10 जेणेगागिणो नियमा भयं । दुरंतो य थेवो दवग्गी अप्पमत्तेहिं ओल्हवियवो । अणोल्हविजमाणो नियमा डहह । पुणो य दुग्गु व पवओ उवउत्तेहिं लंघेयो । अलंघणे नियमा मरिजइ । पुणो महई अइगुविला गहवरा वंस- कुडंगी लंघियता, तत्थ या बहवे दोसा । तओ लहुगो खड्डलगो, तस्स समीवे मणोरहो नाम बंभणो निचं सन्निहिओ चिट्ठ । सो भणइ - 'इमं खंड ( खड्डुं ) मणागं पूरेह', तवयणं न सोयवं, सो " पूरिजमाणो महल्लयरो भवइ । पंथाओ य चलिभञ्जिजइ । फलाणि य एत्थ दिवाणि पंच- पगाराणि नयणाणं सुहंकराणि किंपाग - रुक्खाणं न पेच्छियवाणि, न भोत्तवाणि; जेण मरणंतियाणि ताणि । बावीसई तेणं इत्थ घोरा महाकराला पिसाया खणं खणमभिदवंति, ते वि न गणेयवा । भत्त-पाणं च नत्थि, विभाग- लद्धं विरसं थेवं च । अप्पयाणं च न काय । राईए वि जाम- दुगं गंतवं । एवं च गच्छंतेहिं देवाणुप्पिया ! खिप्यमेव: अडवी लंघिज्जइ । लंघिऊण य तमेगंत - दोगचाइ - वज्जियं पसत्थं सिवपुरं पाविजइ । तत्थ य न हवंतिपुणो किलेसाइणो । इमं निसामिऊण के वि तेण य सह पयट्टा, उज्जुगेण पहाविया, अण्णे पुण इयरेण । तओ सत्थाहो पसत्य - वासरे व्हाओ य विलितालंकिओ तक्कालाणुरूव-निवत्तियासेस - पत्थाण - मंगलोवयारो उच्चलिओऽणुगम्ममाणो अणेगेहिं लोगेहिं ति । अवि य -
20
" दाणं दितो वच्चइ महागइंदो व पणय- भमराणं । आनंदिय-जियलोओ महाबलो एस सत्थाहो ॥"
वचतोय आलिहइ सिलाइसु पंथस्स दोस-गुण- पिसुणगाणि अक्खराणि, लिes 'एत्तियं गयं, इत्तियं सेस' ति । एवं च तस्स जे निदोस - वट्ठि (ट्टि)या, ते तेणेव समं अचिरेण तं पुरं पत्ता | जे वि लिहियाणुसारेण सम्मं गच्छति, ते वि पावेंति । जेण " 1 ट्टया, नवति, छायाइ पडिसेविणो ते ण पत्ता, ण पावंति । एस दवाडवी देसगदितो ।
इयाणं [ ८६ ] भावाडवी देस-दिडुंतो जोइजइ - सत्थवाह-थाणीओ तित्थयरो । घोसणा - थाणीया धम्मका । कप्पडिय-समाणा जंतुणो, अडवी- सरिसो संसारो । उज्जुगो साहु- मग्गो, वंको सावग-पंथो । पप्प-पुर-थाणीओ मोक्खो । वग्घ- सिंघ-तुल्ला
१ इ. क. हियपंचु ।
Jain Education International
25
For Private & Personal Use Only
"
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |