Page Text
________________
भोपदेशमालायाग जाइ-जरा-मरण-रोग-सोगाउराण पिय-विपओग-कोह-माण-माया-लोभ-राग-दोसुब्भवाणि नाणाविहाणि मारीर-माणसाणि तिरियवास-विब्भमाणि दुक्खाणि ति । अवि य- "जर-मरण-रोग-सोगाउराण पिय-विष्पओग-तवियाण।
तिरियाण व नत्थि सुहं दुक्खं त्रिय पाव-मणयाण ॥" पुणो य दवाविया जहागमोवइटा भोगोनभोग-टिट-बण्ण-विमाणाहार-मच्छर-चवणाइ-जुत्ता भवणवइ-वाणमंतर-जोइसवासी-वेमाणिय-मेय-भिण्णा चउबिहा वि देव त्ति । अवि य-"ईसा-विसाय-मय-कोह-लोह-तवियाण सुरवराणं पि ।
मणुयाण व नत्थि सहं का 'गणा सेस-लोगहिं ? ॥" नारय-तिरिय-नरामर-गईसु खलु जेण दारुणं दुक्खं । तेणं चिय सिद्धि-सुहे कायवो आयरो होइ ।। गुरुणो वयणं सोउं लहु-कस्मा के वि साहुणो जाया ।
सम्मत्ताह-समेया अण्णे पुण सावया तथ ॥ तओ संपत्तो मज्झण्ह-समओ । पयट्टा मुणिणो भिक्खट्ठा । एत्थंतरम्मि भणियं गुरुणा एकं मुणि-जुव(य)लयं जह सिजंभव दिजाइणो पुरओ गंतूण तिणि वाराओ 15 भणियवं- 'अहो ! कष्टं तत्त्वं न ज्ञायते' । तहा कए चिंतियं सिजंभवेण - 'अहो !
पसंत-रूवा एते तवश्मिणो न अन्नहा जंपंति, ता किं पुण वेयाइरित्तं तत्तं हवेज ?, समाढत्तं च मए वेय-विहाणं, अहवा किं सेस-वियप्पेहिं ?, उवज्झायं पुच्छामि भावेंतेण पुच्छिओ उवज्झाओ- 'उवज्झाय ! कित्थ तत्तं?' । तेण भणियं- 'वेदा
य(त)त्तं, जेण अपोर(रु)से वेते पुरिस-वयणाणि अप्पमाणाणि राग-दोसाइ-संभवाओ । 29 'अबो! जइ अपोर(रु)सेयं, कहं बयणं विरोह ?' मण्णमाणेण पुणो वि पुच्छिओ वेयतत्तं दुइय-बाराए वि तं चिय पलत्तं । पुणो तइय-वाराए वि 'वेया एव तत्तं' ति साहियं । तओ रोस-वस-तंविर-नयण-जुयलो समुक्खाय-कराल-करवालो समुद्धाइओ उज्झायाभिमुहं सिजंभवो- 'जइ तत्तं न साहेसि, ता [s]वस्सं वावाइऊण अप्पाणं मारेस्सामो' । 'अबो! पुण्णा मे पइण्णा, जेण जीविय-संसए वेद-रहस्सं साहेयवं, सो य 25 एसो मे जीविय-संसओ चिंतितेण भणियमुवज्झाएण- 'जइ एवं, ता सम्मं निसुणेसु
अहिंसा-लक्खणो सच्चाहिडिओ पर-दबावहरण-नियत्ति-रूबो नवगुत्ती-विसुद्ध-बंभचेरालंकिओ अवहत्थिय-परिग्गहारंभो जिय-राग-दोस-परीसहोवसग्गो दाण-सील-तप-भावणाइ-नाणाविह-गुणाणुगओ पञ्चक्खाणुमाणाइ-पमाणगओ पुचावर-पदस्थाविरुद्धो रायगिहे चेव सवण्णु-महावीर-पणीओ धम्मो तत्तं लि । अवि य ... ।
"नीसेस-गुण-ग्ववियं समत्थ-तेलोक-वड्डियाणंदं ।
मोतुं जिणिंद-धम्मं किं किर तत्तं जए अन्नं ? ॥" तओ भणियं सेजंभवेण- 'को एस्थ पचओ ? जहा जिणधम्मो तत्तं?' । तेण भणियं- 'इमस्स जूयस्स हिट्ठाओ सब-यणमई भगवओ उसमसामिणो पडिमा जागपूया-छलेण पूइजई' । तओ भूमि खणिऊण दाविया से पडिमा, पणमिया भाव-सारं । १ ह. क. 'ना। २ ह. क, दानशा ।
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |