Page Text
________________
गर्व-निषेधे चित्रकरसुता-कथा।
१३७ - [६७. गर्व-निषेधे चित्रकरसुता-कथा] --- वसंतउरे नयरे जियसत्तु राया। 'जमण्णेसिं राईणमस्थि, तं किं मम नत्थि ?' पुच्छिएण साहियं दूएण- 'देव ! चित्तसभा नत्थि' । तओ मेलिऊण चित्तयरे विभत्तं समभागेण खेत्तं, समारद्धा चित्तेउं । अण्णया चित्तयर-दारिया हट्ट-मज्झेण गच्छंती पहाविय-तुरयारोहाउ कह वि चुक्का पत्ता पिउणो समीवं । भणियं च णाए- 'ताय! उण्हं चिय । भुजसु' । तेण भणियं-बाहरियाए गंतूण भुंजामि' । तओ कुट्टिमंमि वण्णिएहिं बरहिपिच्छं लिहियं । मोरपिच्छासंकाए पसारिओ राइणा हत्थो । तओ सहासं भणियं चित्तगरसुयाए - 'तिहि पाएहिं मंचिया न चिट्ठइ ति बहुकालाओ चउत्थ-पाओ लद्धो' । समुप्प[न]-कोउगेण य पुच्छिया राइणा - 'किमेयं ?' । तीए भणियं - ‘एको एस राया महामुक्खो , जो अणेग-कुडुंव-पडिबु(ब)द्धाणं एगागीण य सरिसं खेत्तं समप्पेइ । वीइओ 10 आसारोहो, जो हट्ट-मज्झेणं वाहिएण तुरंगमेण वच्चइ । तइओ मम जणओ, जो अगुणण्णुणो नरवइणो कए भोयणं सीयलावेइ । चउत्थो तुमं, जो कित्तिमाकित्तिमाणं पिच्छाणं विसेसं न वियप्पेसि' । 'अहो! से विण्णाणाइसओ!" भावेंतेण य पट्टविओ मणूसो से जणय-समीवे । भणियं च णेण- 'राइणो नियय-धूयं देसु' । भय-विम्हयाइकायरं च भणियमणेण- 'किमम्हाण धूयाए रूय(व)विहवाइ-रहियाए परमेसरो 15 काहिति ?' । गंतूण भणियमणेण । दु[इय-वारं पि पट्टविओ राइणा । तीए भणिओ जणओ- 'भणेजसु जहा न पडिवत्तिं काउं समत्थो । तहा सिटेण राइणा पेसियं दत्वं । उव्वूढा राइणा । दिण्णो वासओ । पुत्व-सिक्खविया य पुच्छिया दासचेडीए कहाणयं । एगस्स राइणो पच्छन्न-घर-ट्ठिया सुवण्णयारा कलहोयं घडेति । इक्केण भणियं - 'राई वट्टई' । सो कहं वियाणइ ? । दासचेडीए भणियं - 'साहसु, न याणामो' । तीए : भणिओ(यं)- 'निदा आगच्छइ संपयं, कल्लं साहेमो' । कोउगेण य राइणा दिन्नो विइयदिवसे तीए चिय वारओ। पुच्छिया चेडीए - 'कहं वियाणेइ ?' । तीए भणियं - 'रत्ती-अंधओ, अहवा राई - जरगो आगच्छइ, मउलिय-पउम-दंसणाओ वा' । एकण(काए) भणियं चेडीए-अण्णं कहसु । एगेण राइणा दोनि चोरा गहिया । ते मंजूसाए छोण नईए पवाहिया । तीर-पत्ता य विहाडिया केणावि मंजूसा । दिट्ठा पुरिसा । 25 एक्केण भणियं- 'तईयं दिवसमम्हाणं एत्थ छूढाणं' । 'सो कहं वियाणइ ?' । तीए भणियं - 'सामिणि ! कहेसु'। 'संपयं निदा बाहेइ, कल्लं साहिस्सामो' । पुणो वि दिन्नो वारओ । पुच्छियाए य भणियमणाए- 'तस्स तेइजरो आगच्छइ, तेण जाणइ' त्ति । पुणो वि पुच्छिया । एगस्स राइणो अञ्चंत-सुंदरा धूया रूव-लोभेण अवहरिया विजाहरेण । तस्स य चत्तारि पुरिसा रयण-भूया नेमित्तिओ, रहगारो, सहस्स-जोही 20 महासुहडो, विजो । 'जो आणेइ दारियं, सो चेव वीवाहे' त्ति । तओ नेमित्तिणा सिहूं - 'पुत्व-दिसाए विजाहरेण नीया' । तक्खणं चिय आगासगामी णिवत्तिओ रहिएण रहो । समारूढा तत्थ चत्तारि वि । उप्पइया गयण-वत्तिणीए । दिट्ठो विजाहरो, लग्गो सहस्सजोहिणा सह । वावाइओ सहस्सजोहिणा । तेण य मरमाणेण य छिन्नं दारियाए सीसं । संपत्ता नयरं । ओसहि-सामत्थेण य जीवाविया वेजेण । उवगारिणो
ध०१८
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |