Page Text
________________
११०
धर्मोपदेशमालायाम् पर-रिद्धि-दसणाओ तुच्छं निय-संपयं निएऊण । बुझंति केइ पुरिसा दसण्णभद्दो व्व कय-पुण्णा ॥ ३० [पर-रि(ऋद्धि-दर्शनात् तुच्छां निजसम्पदं निरीक्ष्य ।
बुध्यन्ते केचन पुरुषा दशार्णभद्रवत् कृतपुण्याः ॥ ३०]
--[३६. बोधे दशार्णभद्र-कथा ] - दसण्णपुरै 'नयरे राय-गुण-गणालंकिओ दसण्णभद्दो राया कामिणीयण-पंचसयपरिवारो भोगे भुंजतो चिट्ठइ । अण्णया समोसरिओ समुप्पन्न-नाणाइसओ भुवणभूसणो वद्धमाणसामी । वद्धाविओ राया निउत्त-पुरिसेहिं तित्थयरागमणेण । दिण्णं से मणोरहाइरित्तं पारिओसियं । एत्थंतरम्मि अत्थमिओ चकवाय-पिय-बंधवो दिवसयरो । "विहडियाणि चक्कवायाणि, मउलियाणि पंकयाणि, वियंभिओ संझा-राओ, आणंदियाणि इत्थण्ण(त्थीण) कुलाणि, पफुल्लाणि कुमुय-गहणाणि, पयट्टो दूइया-जणो। तओ निवत्तियासेस-पओस-कायबो 'तेलोक-सामिणो पाय-पंकय-पणामेण पूय-पावो भविस्सामो' ति मण्णमाणो कय-पंच-नमोकारो पसुत्तो राया। सुह-सम्माणिय-निदो य विबुद्धो एसो पहाय-मंगल-तूर-रवेणं । 'नमो जिणाणं' ति भणंतो समुट्टिओ सयणाओ । कय-जहारिहकायद्यो व्हाय-विलित्तालंकरिओ समारूढो एरावण-संकासं महागइंदं । ठियं उभय-पासेसु अंतेउरं । पयट्टो गंतुं महाविच्छड्डेणं । पत्तो समोसरणं । पणमिओ तित्थ्यरो परम-भत्तिविभवाइएहिं । निय-रिद्धि-दसणाओ य विम्हिओ राया। तओ से संकप्पं निएऊणं चिंतियं हरिणा- 'अबो ! अत्रणेमि से मरटुं' मण्णमाणो आरूढो एरावणं । विउवियाणि से अट्ठ मुहाणि । एकेक-मुहमि विउविया अट्ठट्ठ दंता । एकेक-विसाणे निमि(म्मि)याओ ॥ अट्ठ पुक्खरिणीओ। एकेकियाए तलाइयाए कयाणि अहट्ट कमलाणि । एकेकंमि पंकए निम्मवियाणि अट्ट दलाणि । एकेकमि दले विउवियं दिव्य-करणंगहारोववेयं तियसकामिणी-सणाहं बत्तीस-बद्ध-नाडयं नाडयं । महाविच्छड्डेण य' पयाहिणीकओ महावीरो । 'अहो ! कयत्थो सको, जेणेरिसेण विहवाइसएण पणमिओ तित्थयरो, कओ य इमिणा अण्ण-जम्मंमि धम्मो, विजिओ य अहमणेण दव-त्थएण । ता संपयं ॥ अपरायत्त-सयल-सत्त-सुहावहं सिव-सुह-निबंधणं करेमि भाव-त्थयं' मण्णंतो महाविभूईए निक्खंतो दसण्णभद्दो राया पणमिओ नरामरहिं ति । उवणओ सबुद्धीए कायद्यो॥
१ क.
गरे।
२ क. च।
३ ज. वि ।
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |