Page Text
________________
१०४
धर्मोपदेशमालायाम्
1
ति चिर्तितस्सेव मूलदेवस्स पयट्टो सद्धडो । 'अवरण्हे दाहित्ति' ति कयासो पर्यट्टो मूलदेवो वि । अवरहे वि तह च्चिय भुत्तुं पट्टिओ पहम्मि । 'दुइय - दिवसे दाहिति' । तत्थ विदिनं, तईए वि न दिनं । समासन्नी हूओ वसिमस्स । 'अवो ! एयस्स महाणुभावस्स आसाए मए अडवी वोलीणा, ताण संपयं उवयरिडं तरामि' चेंतेंतेण भणिओ मूलदेवेण सद्धडो - 'संपत्त - विभवं ममं सोऊण इञ्जसु' । सयं च पविट्ठो वसिमंमि भिक्खा - निमित्तं । लद्धा कुम्मासा, भरिया पुडिया, पयट्टो तडागाभिमुहं । इत्थंतरंमि मासोपवासी दिट्ठो भिक्खट्टा गामाभिमुहं एंतो महरिसी । 'अहो ! बहु- पुन - पावणिजो एस महप्पा, विसेसओ मास-पारणए । ण य मे कुम्मासे मोत्तूणमन्नं दायवमत्थि । एय-पयाणेण वि करेमि अच्चंत कयत्थमप्पाणं' । समोप्पन्न - पहरिसाइसएण भणिय" मणेण - 'भगवं ! गिण्हसु ममाणुगहट्ठा एते कुम्मासे' । साहुणा वि दवाइ-कओवओगेण गहिय'ति । ततो जायाणंदेण पढियमणेणं ति -
'धन्नाणं खु नराणं कुम्मासा हुंति साहु-पारणए' ।
जहा सन्निहिय- देवयाए भणिओ य मूलदेवो - 'वच्छ ! मग्गसु गाहा-पच्छिद्रेण जं रोचइ' । तेण भणियं -
8
'गणियं च देवदत्तं दंति - सहस्सं च रजं च' ॥
देवयाए भणियं - 'अचिरा हविस्सइ' । ततो भोचूण गामं गओ विन्नायडाभिमुहं । संपत्तो पओसे एगंमि नयरे । पमुत्तो देसीए चट्टेहि समं । सुमिणो लद्धो 'चंदो उयरंमि पविसमाणो' मूलदेवेण चट्टेण य । चट्टेण अन्नस्स कहियं 'चंद - पमाणो 'मंडओ भविस्सर' ति । एएण लद्धो भमंतेण जहुद्दिट्ठो मंडओ । मूलदेवेण चिंतियं - 20 ' न एते सुमिण - फलं वियाणंति, ता किमेतेसिं सिट्टेण ?' । ततो उट्ठेऊण निवत्तिय सरीरचिंतो 'आयंत - सुइभूओ गहिय- पहाण - पुप्फ-फलो सुहासणत्थस्स उवज्झायस्स विहिपूओवयारो सुमिणयं कहिउमाढत्तो | कहणयावसाणे दाऊण नियन (य) धूय (यं) समाइट्ठो सत्त- दिवसब्भंतरे पहाण - रज्ज - लाभो सुमिणो । कमेण य पत्तो विन्नायडं । रयणीए य गहिओ ईसर-घरे खत्त-मुहे चेव मूलदेवो समादत्तो वज्झ भूमिं णेउं । 25 तओ चिंतियमणेण - 'किमहन्नहा- वाइणी देवया, उवज्झाओ य ?' । इत्थंतरंमि मओ तत्थेव अपुत्तो राया । नीणियाणि पंच दिव्वाणि तिय- चउक्काई भमंतेहिं देट्ठो मूलदेवो वज्झ भूमी नीणितो । ततो काऊण गल-गजियमारोविओ नियय - खंधमि करिणा, हेसियं तुरंगमेण, ठियमुवरिमुदंड - पोंडरीयं, वीइयाणि चामराणि, वरिसियं गंधोदएणं, ॐ निवडिया कुसुम - वोट्ठी । एवं च महाविच्छड्डेणं निसन्नो सीहासणे । पडिवन्ना महासामंताइएहिं आणा | सहा पणट्ठोवदवं पणय - महासामंत - मंडलं रज्जमणुहविउमाढत्तो । - ततो चिंतियमणेण - 'अलमिमिणा सुंदरेणावि रजेणं पियाए देवदत्ताए रहिएणं' ति ।
१. ज. कुमा। २ ह. क. ज. मंडि ।
Jain Education International
३ ज. 'इंत, छ. इंव | ४. क. ज. सारो ।
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |