Page Text
________________
धर्मोपदेशमालायाम् पत्थणा-पुवयं च भणिओ गोभद्द-सिट्ठी तेहिं- 'जइ वि सालिभदस्स रूवाइ-गुणेहिं असरिसाओ, तहा वि अम्हाण णेव्वुई-निमित्तं गेण्हेउ एयाण मंगलेहिं करे ति ॥ पडिवन से वयणं, उव्वुढाओ' सवाओ' वि महाविच्छड्डेणं । एवं ताहिं सह महरिसिदाणाणुभाव-जणियं धम्मत्थ-काम-सणाहं विसिट्ठ-जण-सलाहणिज्जं जिणधम्माणुट्टाण-परं 5 जियलोग-सुहमणुहवंतस्स समइकंतो कोइ कालो । अन्नया य से जणओ निवाहियणिकलंक-सामन्नो णमोकार-परो कय-भत्त-परिच्चाओ' मओ समाणो जाओ वेमाणिय सुरो । तयणुरूव-निवत्तिय-कायवो भोगे भुंजिउं पयत्तो । अचुक(क)ड-पुन्नाणुभावओं य संपाडेइ से जणओ' समीहियं सवं ति ।
जम्मंतर-महरिसि-देण्ण-दाण-पुन्नाणुभावओ तियसो । संपाडेइ जहिच्छं कामे स ह(हि) तस्स बहुयाइं ॥ अणुहवमाणस्स सुहं भजाइ समं च वच्चए कालो।
पुन्नेहिं जणणि-जणया कुणंति सवाई कजाई ॥ अन्नया आगंतुय-वणिएहिं राइणो सेणियस्स उवणीयाणि कंबल-रयणाणि । 'अइदु॥ महग्धाई ति करिय ण गहियाणि । पच्छा निय-गेहे ठियाए भद्दाए सवाणि वि गहियाणि । 'चेल्लणाए य झूरिजमाणीए राइणा वाहराविया ते वणिया । पुच्छिएहिं सेटुं जहा सालिभद्द-जणणीए सवाणि वि गहियाणि । तओ पट्टविया तत्थ पुरिसा । नियत्तेहि य साहियं जहा तक्खणं चिय ताणि भद्दाए फाडिऊण वहूयाणं पाय-लूहणाणि
कयाणि । भणियं च णाए- 'जइ पुराणेहिं कजं, ता पेसेमि । एयं सोऊण गाढयरं " रुट्ठा 'चिल्लणा- "एक पिन गहियं । विम्हिएण पट्टविओ पुरिसो राइणा भद्दाए समीवे- 'पट्टवेसु सालिभई, पुलोएमि कोऊहलेणं, जस्सेरिसी महाविभूई' ।
गंतूण आगओ सो रन्नो साहेइ जंपए भद्दा । 'चंदाइच्चा वि ण मे देहा पुत्तेण कइया वि ॥ ण य गेहाओ बाहिं विणिग्गओ ता करेइ जइ राया। एकं मज्झ पसायं ता गेहे एउ सयं राया ॥' अह कोउएण पत्तो नरनाहो पेच्छिऊण घर-सोहं ।
चिंतेइ सग्गमिणमो अवयरियं मच्चलोगंमि ॥ समारूढो चउत्थ-भूमियाए निसन्नो सीहासणे । कया तयणुरूवा पडिवत्ती। सत्तमभूमी-आरूढो भणिओ सालिभद्दो भद्दाए- 'वच्छ! राया आगओ, तं पेच्छि(च्छ)सु' । तेण भणियं- 'तुम चिय से अग्धं जाणसि । तीए भणियं- 'वच्छ ! न एसो पणियं, कि खु तुज्झ सेस-लोगाण य सामी । तं पिच्छिऊण य पणमसु' । ततो इमं असुय-पुवं निसामिऊण चिंतियमणेण- "धिरत्थु संसारस्स, जंमि तुल्लोयर-पाणि-पाय-बयणाण
१ ज. 'उ।
२ ज. करेंति ।
३ ज. हिं।
४ ज. ल°।
५ ज. एकं । ६ क. म्हियए।
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |