Page Text
________________
धर्मोपदेशमालायाम् अभया नीसेस-गुण-गणालंकिओ अलंकिय-सुर-मणुय-पणय-पाय-पंकओ पंकय-निह(हि)तचरणारविंदो अरविंद-गब्भ-संकास-वन्न-पयडिय-दिसा-मंडलो समोसरिओ तेलोकमंगल-पईवो चउद्दस-समणसहस्साणुगम्ममाणो भगवं सिरिवद्धमाणसामी तित्थयरो गुणसिलए उआणे । निवत्तियं तियसेहिं समोसरणं । अवयरिया तियसा, निरुद्धं अंबरतलं विमाण-मालाहि । वद्धाविओ सेणिओ तित्थयरागमणेण निउत्त-पुरिसेहिं । दिन्नं से पारिओसियं । पयट्टो महाविच्छड्डेणं भगवओ वंदण-वडियाए, पत्तो तमुद्देसं । वंदिओ तित्थयरो सह गोयमाईहिं अणाविक्खणियमाणंदसुहमणुहवंतो निसन्नो । तहा पत्ता नागरया सह कयपुन्नेणं । पत्थुया धम्मकहा । अवि य
"तित्थ-पणामं काउं कहेइ साहारणेण सदेण । सन्वेसि सत्ताणं तेलोक-दिवा(वा)यरो बीरो ॥ जीवा य अजीवा वि य दुविहो लोगो समासओ भणिओ। तत्थाजीवा तिनिहा-धम्माधम्मा तहा गयणं । जीवा वि य दु-वियप्पा सिद्धा संसारिणो य नाइ(य)वा । सिद्धा पण्णरस-विहा तित्थातित्थाइ-भेएणं ॥ संसारत्था दुविहा थावरनामा तसा य पंचविहा । पुढवि-जल-जलण-मारुय-वण थावरजंतुणो भणिया । पञ्जत्तापजत्ता इक्किक्का ते भवे पुणो दुविहा । पत्तेयाणंत-गया तरुणो चिय न उण सेसा वि ॥ नेरइ-माणुय-तिरिया देवा य च उबिहा तसा होति । नेरइया सत्तविहा रयणाणि(इ)-महातमंताओ॥ जल-थल-नहयल-तिविहा(रिया) कम्माकम्माई अंतरदीवा । मणुया वि होति तिविहा देवा वि चउबिहा सवे ।। असुरा नाग-सुवन्ना उदही-विजू-घणेद-जलणेंदा । वाऊ-दीव-दिसेंदा कमसो भवणाहिवा दसहा ॥ किंनर-किंपुरिस-महोरगा य गंधव-जक्ख-रक्खा य । भूय-गणा य पिसाया अट्टविहा वंतरा भणिया ।। चंदाइच्चा य गहा नक्खत्ता तारया य पंचविहा । जोइसिया कप्पयगा कप्पातीता य उवरिल्ला ॥ सोहंमीसाण-सणंकुमार-माहिंद-बंभलोगा य । लंत-महासुकंमि य सहस्सारे आणए णवमे ॥ पाणय-आरण-अच्चुय-बारसमे कप्पवासिणो देवा(वा)। कप्पाईया दुविहा गेविजाणुत्तरा भणिया । हिडिम-पढमा हिडिल्ल-मज्झिमा हिट्टिमोवरिल्ला य । मज्झिम-पढमा नवरं मज्झिम-मज्झिमा मज्झिमोवरिमा ।
१ज.3।
२ ह. क. रि।
३ ज. नरया।
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |