Page Text
________________
धर्मोपदेशमालायाम् हियएण जाई तुह चेतियाइं पावाई ताणि मा वच्छ ! । निवडंतु वेरियाण वि तुह गुणनिहि ! विरह-दद्धाए । विहुरेसु य देवयाए एत्तिय-कालं च रक्खिओ जाय ! । मह जीविएण सुपुरिस ! कप्पाऊ होसु तं तत्थ ॥ अणुभावेणं तियसाइयाण तेएण तह सईणं तु । पालेसु नियय-वंसं घर-विच्छ९ च अणुहवसु ॥ देसंतरे विवन्नो भाऊजायाण तुज्झ भत्तारो ॥ होसु चउण्ह वि सामी इण्हि एयाण तं वच्छ! ॥ इय तीए तह पलत्तं वियड्ढ-वणिणीइ जोत्ति-घडणाहि ।
जह संसयाइ-रहियं पडिवन्नं तेहि से वयणं ॥ एवं च जम्मंतर-देन्न-महरिसि-दाण-पुन्नाणुभाव-जणियं विसय-सुहमणुहवंतस्स समइक्कंताणि दुवालस वरिसाणि । जाया चउण्हं पि पुत्ता । इत्थंतरम्मि कहिओ सम्भावो सासूए वहूण | घर-संरक्खणत्थमेस अमुणिय-परमत्थो मए कयपुनओ छूढो । उप्पन्ना मे पुत्ता, थिरीभूओ घर-सारो, ता अलमियाणिमेतेण । ताहि भणियं
सगुणो व होउ अह निगुणो अहव होउ पर-पुरिसो।
तह वि य जो परिभुत्तो सो अम्मो ! अम्ह भत्तारो॥ अंबाडेऊण तओ थेरी परिभणइ - 'इक्खु-छोईय-संकासो से दइओ, ता एवं झत्ति नीणेहिं।' जाणिऊण य से नेच्छयं रयण-गम्भिण-मोदगाण कया ऊससि(सीस)यंमि कोत्थलिया । मज्जामय-णिब्भरो मंचयारूढो मुक्को तीए चेव देवउलियाए । निदा-खय-विबुद्धेण "य मुणिओ एस वुत्तंतो। तहाविह-भवियवयाए तंमि चेव दियहमि आवासिओ' तत्थेव
सो सत्थो । पहाय-समए य पट्टविओ' भत्तार-न्नेसणत्थं तीए पुरिसो । दिट्ठो अणेण कयपुनओ' गओ गेहं अब्भुडिओ' महिलाए, गहिया संबल-पुट्टलिया, अभंगिओ कयपुनो । तईया' समुप्पन्न-गब्भाए जाओ दारओ' लेहसालाओ' आगओ भोयर्ण जायंतो दिनो पुट्टलियाए मोयगो । तं च खायमाणो निग्गओ बाहिं । अभिडियं रयणं । दिटुं से सली(मी)वेहिं गया कंदुयावणं, देनं पूइस्स 'अणुदियहं पूयलियाओ' दायवाओ"
भणंतेहिं । घरणीए य मोदए भिंदंतीए देवाणि रयणाणि । तीए भणियं - 'किं कारणं मोदएसु रयणाणि छूढाणि ?' । मुणियाभिप्पारण य भणियमणेणं 'सुंक-भएणं' । रयणसामथओ दाण-जणिय-पुन्नाणुभावेण य जाओ' वेसमण-संकासो । आणा-णिद्देस-परा
जाया सवे वि सयण-बंधु-परियणाइणो । एवं च तिवग्ग-सारं जियलोग-सुहमणुहवंतस्स ॥ समइकंतो कोइ कालो । अन्नया सेणियराइणो नईए 'पियंतो गहिओ तंतुएणं सेयणयकरिवरो । साहियं अभयकुमारस्स । गवेसाविओ रयणाण मज्झे जलकंत-मणी । जाव खणंतरेण ण लब्भइ । ता मा करिणो अच्चाहियं भविस्सइ त्ति मनमाणेण दवाविओ राइणा 'पडहओ'- 'जो जलकंत-मणिमुवणेइ, तस्स राया सह धूयाए अर्द्ध रजस्स देई'। इमं सोऊण समप्पिओपूइएण जलकतो, पक्खित्तो जल-मज्झे । तदुजोएणं थलं मन्नमाणो
१ ज. °उ। २ ज. तया। ३ ज. पिउ । ४ ह. क. हत्थओ। ५ ह. क. परि ।
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |