________________
दाने कृतपुण्य-कथा। -- [३०. दाने चन्दनार्या-कथा]-- जहा सयाणीएणं पिल्लियस्स चंपाए दहिवाहण-खंधावारस्स पा(प)लायमाणस्स भारिया धारिणी-नामा वसुमइए धूयाए सह इक्केणं पुरिसेण गहिया। पंथम्मि धारिणीए मयाए दिन्ना मोल्लेण वसुमई वणिणो । अइविणिय त्ति दिन्नं से नामं चंदणा । जह य वणिय-जायाए ईसाए केसे मुंडाविऊण नियलिऊण घरे छूढा; विलवंतस्स य वणिणो । जहा कम्मयरिए साहिया, कुंमासे दाऊण लोहार-गेहं वणिओ गओ; जहा य छम्मासोववासी तित्थयरो परम-भत्तीए पाराविओ, तियसा अवयरिया, रयण-वुट्ठी जाया, तह सबमिणं सवित्थरं उवएसमाला-विवरणाओ नेयत्वं ति ॥
॥ चंदणज्जा-कहाणयं समत्तं ॥
---> [३१. दाने कृतपुण्य-कथा]तन्नगपालीए सुओ ऊसव-दियहमि पायसं बहुयं । खजंतं दट्टणं णिय-जणणिं पायस-कएणं ॥ चिंतेइ सा परुन्ना तीए करुणाए सेस-महिलाहिं । दिन्नं खीराईणं तीए वि य साहिया खीरी ॥ घय-गुल-संजुत्ताए भाणं पुत्तस्स सा भरेऊणं । घर-मज्झमि पविट्ठा अह पु(प)त्तं मुणिवरं दटुं॥ चिंतेइ दारओ सो धन्नो हं जेण एरिसे काले । संपत्तो एस मुणी चिंतिय-फलओ सुर-दुमो च ॥ भत्ति-बहुमाण-पुत्वं खीरि-विभागंमि दिन्नए संते । थेवमिणं पुण दिन्ने तत्तिय-मित्ते वि चिंतेइ ॥ जइ पडइ एत्थ तित्तं लवणं वा तो विणस्सए एसा । ता देमि सेसयं पि य जेण धणी होइ सवेण ॥ सबोवाहि-विसुद्धा दिन्ना सबा वि तेण दाणेण । मणुय-भवम्मि निबद्धा भोगा सुरनाह-संकासा ।। मरि विसूइयाए रयणीए पट्टणम्मि रायगिहे । धणपाल-महिलियाए भद्दाए पहाण-सुमिणेण ॥ वारिओ उववन्नो लोगो तं भणइ नूण कयपुण्णों ।
गब्भो जो इत्थ घरे जाही बहु-रयण-सारंमि ॥ कमेण य चिंतिय-संपजंत-डोहला पसूया भद्दा । समत्थ-लक्खणाणुगओ जाओ दारओ । वद्धाविओ इब्भो । कयं महावद्धावणयं । लोग-भणियमणुयत्तंतेहि य पसत्थ- 30 वासरे कयं से णामं कयपुन्नओ । वडिओ देहोवचएणं कला-कलावेण य । विवाहाविओ नियय-रूवाणुरूवं गुरूहि इन्भ-बालियं महाविच्छड्डेणं ।
१४. क. ज. सं। २ क. 'णाणं। ३ क. गुण। ४ क. पुनो।
ध. १२
Jain Education International
For Private & Personal Use Only
www.jainelibrary.org
