Page Text
________________
दाने श्रेयांस-कथा। -- [२९. दाने श्रेयांसकथा] - अत्थि गयपुरे नगरे बाहुबलि-पुत्तो सोमप्पभो राया । तस्स य राय-गुण-संकेयट्ठाणं सिजंसो यु(जु)वराया। तेण य सुमिणमि सुरसेलो सामायतोऽमय-कलसेहिमहिसित्तो अहिययरं दिप्पिउमाढत्तो। तहा नयर-सेटिणा सुबुद्धिणा दिलु सहस्सरस्सीहतो दिणयरबिंब खुडूतं सिजंसेण संघडियं अचंतं दिप्पिडं पयत्तं । राइणा वि सुमिणे एगस्स महापुरिसस्स सत्तु-सेन्त्रेण सह जोझंतस्स सावसेसीकय-वइरि-चक्क(वग्ग)स्स सिजंसेण साहियं देनं । तेण सवं (सिन्नं ) पि 'निढवियं ति ।
"कुमारेण कंचणगिरी रवि-बिंबं सेट्टिणा नरेंदेण । देवो य महापुरिसो समयं सत्तूहि जुझंतो ॥ पञ्चूसे संमिलिया सुभिणाण फलाइं ते अयाणंता ।
नवरं जपंति इमं कलाणं होहिति कुमारे ॥" ततो गया सवे नियय-हाणेसु । सिजंसो वि समारूढो सत्तम-तलं पासायं । अवलोव(य)ण-ट्ठिएण य दिट्ठो तेलोकालंकारो उसभसामी पुव-दुवारेण पविसमाणो । तं च दद्दूण ईहापोह-मग्गण-गवेसणं करेंतस्स समुप्पन्नं जाईसरणं । मुच्छिओ य सेत्तो चंदण- . रसाईहि लद्ध-चेयणो य अवयरिओ' पासायाउ द्विओ उंगण-मज्झे । इत्थंतरम्मि 15 गोयर-चरियाए भमंतो संपत्तो तिहुयण-गुरू । इत्थंतरम्मि आगया गहिय-उच्छरसापुण्ण-कलसा पुरिसा । ततो 'एयाई ताई चिर-चिंतियाइं तिनि वि कम्मेण पत्ताई तायस्स आगमणं संतं च मण-प्पसाओ य' चिंतितेण भत्ति-बहुमाणं पणमि[ऊ]ण गहिओ उच्छुरस-घडो । विनत्तं सेयंसेण- 'भयवं! जइ कप्पड़, ता ममाणुग्गह-बुद्धीए गेण्हसु' । दवाइ-कओवओ'गेण य पसारिया करा जिणेण | पल्हत्थिओ तेसु रसो, . पविट्ठो सवंगेसु । समासत्थीभूओ जयगुरु त्ति ।
आहारेंतो भयवं नीहारंतो य मंस-चक्खूहिं ।
न य दीसइ नेय पडइ तस्स कर-संठियं दद्धं ॥ तओ गयणा-रूढेहिं हरिस-भर-निब्भरंगेहि विमुकं तियसेहिं बिंटडाय-दसद्ध-वनकुसुम-वरिसं सह गंधोदएण । कओ चेलुक्खेवो । समाहयाओ दुंदुहीओ। निवाडिया 25 अद्धतेरस-कोडी-पमाणा रयण-वुट्ठी । 'अहो! दाणं सुदिनं' च समुग्घुटुं तियसमागहेहिं । अवयरिया तियसा । संपत्तो विम्हइय-मणो सबो वि लोगो त्ति । अवि य
हरिस-भर-निब्भरंगेहिं पुच्छिओ नर-गणेहिं सिजंसो । कह भणसु तए णायं जह दिजइ भयवओ भेक्खा ॥ जाई-सरणेण अहं एवं जाणामि तह य भणिओ म्हि । अट्ट भवे जिण-सहिओ सुमिणाण फलं च जिण-दाणं ॥ एतेसिं जं दिन्नं तं चिय दवं परे वि विभवम्मि । जं विधइ तं सारं दस-हत्थस्सावि कुंतस्स ॥ कय-पुत्राण गिहेसु एते ठायंति तिहु[य]णाणंदा ।
न कइया वि कप्पदुमा उविंति पावाण निलएसु ॥ १ज. नठि। २ ज. °उ।
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |