________________
धर्मोपदेशमालायाम् "लंघण-पवण-समत्थो पुव्वं होऊण संपयं कीस १ । दंडलय-अग्ग-हत्थो वयंस ! किं-णामओ वाही ? ॥" "जेट्ठासाढेसु मासेसु जो सुहो वाइ मारुओ।
तेण मे भजए अंगं जायं सरणओ भयं ॥" अहवा-"जेण जीवंति सत्ताणि निरोहम्मि अणंतए ।
तेण मे भजए अंगं जायं सरणओ भयं ॥" सो वि तह चि[य] मुसिओ। पुणो वणस्सइकाओ दारओ तह चिय कहाणयं कहिउमाढत्तो
"एगम्मि महारुक्खे सउणा सचिल्लया ।
वसंति वेढिओ' रुक्खो मूलुग्गय-वेलिए ॥" समंता वेल्ली-मग्गेण य आरुहिऊण रुक्खं खड्याणि अहिणा । खइय-सेसा य मुगादओ' भणिउमाढत्ता
'जाव वुच्छं सुहं वत्थु पायवे निरुवद्दवे ।।
मूलाओ' उहिया विल्ली जायं सरणओ भयं ॥" ॥ तं तह चिय मुसइ ।
तसकाय-दारओ वि तह च्चिय कहाणयं कहेइ-वसंतउरं नयरं जियसत्त राया। तं च पर-चक्केण रोहियं । तत्थ बाहिर-निवासिणो मायंगा ते नगर-मज्झाओ' नागरएहिं निछुन्मंति, बाहिं पर-चक्केण घेप्पंति । तओ अनेण भन्नइ -
___"अभितरया खुहिया पेरुती बाहिरा जणा ।
दिसं भयह मायंगा ! जायं सरणओ भयं ॥" अहवा-एगत्थ नगरे पुरोहिएण भंडियं दिवसओ' राईय राया मुसइ । केण य कालेण मुणिय-वुत्तता परुप्परं भणिउमाढत्ता
"जत्थ राया सयं चोरो भंडिओ अ पुरोहिओ।
वणं भयह नायरया ! जायं [ सरणओ भयं] ॥" 1 अहवा-एगमि नगरे चउदस-विजाठाण-पारओ छक्कम्म-निरओ सोमदेवो दियवरो। सोमसिरी से भारिया । ताण य परितुलिय-रइ-रूव-जोवण-लायन्न-कला-कलाव-रूवा सोमप्पभा कन्नगा। संपन्न-जुवणा य पलोइया जणएण । जायाणुरागो अ । तीए विरहे खिजंतं दट्ठण 'निबंधेण भारियाए पुढेण साहिओ निययाभिप्पाओ । 'अबो ! मा मयणसर-गोचरावडिओ खयं वच्चओ" त्ति भावंतीए भणिओ भत्ता तीए- 'धीरो हवसु, तहा करेमि जहा अन्नाउ च्चिय भुंजसि । अन्न-दियहमि भणिया धूया- 'वच्छे ! एस अम्हाण कुल-कमो-'पढमं जक्खेण भुत्ता पच्छा भत्तारमणुगच्छइ, ता कल्लं कसिण-चउदसिए तमंधयारे रइ-हरे अणालवंती पमाणेजसु जक्खं । तकालाणुरूव-निबत्तिय-कायबा गया
१. °उ । २ ह. हय, क. वय, न सहय। ३ ज. न। ४ क. °यरा ।
Jain Education International
For Private & Personal Use Only
www.jainelibrary.org
