Page Text
________________
धर्मोपदेशमालायाम् __ अवि य-"अमुणिय-परमत्थाणं जा देहं देइ पाण-सरिसाणं ।
चाडु-सएहिं समाणं अलाहि ताए वि मुसियाए ॥" न किं तारेंद-सेवयाण गेहे पविस्सामि ? । एयं पि न सुंदरं ति ।
"गु(तु)ोण कह वि दिन्नं दत्वं एयाण राइणा होइ ।
ता एएहिं पि अलं मुसामि नरनाह-भंडारं ॥" ततो दिन्नं धवलहरे खत्तं । पविठ्ठो तत्थ । तुरयपाल-क्खोजमणुसरंतीए य दट्टण चिंतियं महादेवीए- 'को एसो वम्महाणुकारी । तत्तो भणिअमणाए- 'को सि तुमं? । तेण भणियं- 'जो एयाए वाराए परि(र)-गिहेसु पविसई' । मुणियपरमत्थाए भणियमणाए – 'होसु जीविय-नाहो, जेण करेमि अदरेदं' । तेण भणियं- 'का तुमं?' । " तीए भणिअं- 'पुहइवइणो महादेवी' । तेण भणियं - 'जइ एवं ता वंदणिआ तुम समत्थ-गुणाणुगयाणं पि विसेसओ अम्हारिसाणं । ता विरमसु एयाओ' इह-परलोगदुहावहाओ निम्मल-कुल-कलंक-भूयाओ' महापावकम्म-निबंधणाओ दोववसियाओ,' ण खलु जयकेसरिणं मोत्तूण जंबुयमणुसरइ सीहिणि ति' । सरोसं च भणियमणाए'हयास ! किमेयाए तुह चिंताए ?, मा सयंवरमागयं लच्छिमवमन्नसु' । तेण भणियं15 'अंब! न होसि तुमं लच्छी, आवया तुमं, जा एवं पलवसि । तीए भणियं
"दट्ठणं पि अजोग्गो नरवइ-महिलं कहिं विहं चि) जइ लहसि ।
तं उवभुंजसु बालय ! को दिटुं मुंचए अमयं? ॥" तेण भणियं- "अंब! ण एरिसममयं तालउडविसं इमं न संदेहो ।
ता को जीविय-कामो एवं मणसा वि चिंतेइ ? ॥" "रमिहिसि न मं अयाणुय ! पवणुव्भव-नट्ठ-णेह-संबंधो । जाइस्सइ सग्गं नग्ग-खवणओ नूण विगोत्ते ॥" अह तेणं सा भणि अ(ज)म्हा अम्ब त्ति तं मए भणिया ।
ता कह इण्हि तं चिय जायं भणिऊण सेवेमि?॥" तओ जाणिऊण से निच्छयं को महादेवीए कलयलो 'चोरो चोरो' त्ति । पच्छन्नद्विय-समुवलद्ध-बोल्लो गहिय-करवालो 'धीरा पिए ! हवसु' ति भणंतो पत्तो णरिंदो सह जामइल्लइणरेहिं । राइणा भणियं- 'सूरे अविणासंति गिण्हिजह' । तेहिं भणियं'भद्द ! अभयं ते, मुअसु आउहं' । तेण भणियं- 'न जीवंतो मुयामि' । तो जाणिऊण से नेच्छयं कइ वि पुरिसवंद्र-परिवुडो नीओ विवित्त-गेहे । पभाया जामिणी, कयं गोस-कायचं । एगंते आणाविओ' राइणा । पुलइऊण य रुवाइ-गुणे चिंतियं नरवइणा20 'अहो ! विहिणो विलसियाणि विचित्ताणि, जेणेवंविहा वि पुरिसा उभय-लोग-विरुद्धेसु
जीविय-संसय -निबंधणेसु महापुरिस-निदिएसु चोराइ-कजेसु वहृति' । तओ सबहुमाणं पुच्छिओ राइणा- 'को तुमं?' । तेण भणियं - 'देव! कम्मओ चेवावगओ, किं पुच्छाए । राइणा भणियं- 'अतो चेव पुच्छामि, जेण विचित्तं ते कम्मं । वंक
१ज, °उ। २ज, या। ३ ज. मुय । ४ ह. ज. सक। ५ ह. ज. संसनि ।
For Private & Personal Use Only
Jain Education International
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |