Page Text
________________
शुभमार्गादरे क्षुल्लक-कथा। कलाव-वहिय-चित्तेण चिंतियं पुंडरीएण-'अलं मे जीविएणं, जइ एयाए सह विसयसुहं ण सेवेञ्जई' । अन्न-दियहमि अणवेक्खिऊणेह-परलोग-भयं भणिया राहणा- 'सुंदरि! ममं पडिवजसु' । तीए भणियं - 'महाराय ! मम भत्तुणा तं पडियन्नो, सो मए पुव-पडिवन्नो चेव । तेण भणियमलं परिहासेण, पुरिसभावेण पडिवजसु । तीए भणियं'महाराय ! मा एवमाणवेसु' । तेण भणियं-'किमित्थ बहुणा ? मयण-जलण-जालावली- 5 डझंतं मे सरीरं संगम-जलेण निधवेसु' । तीए भणियं"प्रमाणानि प्रमाणस्थैः रक्षणीयानि यत्नतः । सीदन्ति हि प्रमाणानि प्रमाणस्थैर्विसंस्थुलैः ॥"
ता अलमिमिणा कुल-कलंक-भूएणं दोग्गइ-निबंधणेणं दुरज्झवसाएणं । परिहरिओ य एस मग्गो खोदसुत्तेहिं पि" । अणुदियह पत्थेतस्स अन्नदियहम्मि भणियमणाए - 'किमेयस्स वि भाउणो ण लजिहिसि ?' । 'अहो! एसा कंडरीय-संकाए ण मम ॥ पडिवजइ, ता वावाइऊण एयं गिण्हामि देविं' । तह चिय काऊण भणिया एसा'संपयं किं भणिहिसि ? वावाइओ भाया । 'हद्धी ! इमिणा वि(चि?)लाएण मम निमित्तं गुणनिही अञ्जउत्तो वावाइओ; ता जाव न सीलस्स खंडणं करेइ, ताव अन्नत्थ वच्चामि' त्ति-चिंतिउमावन्न-सत्ता सावत्थी-गामिणा सत्थेण सह गंतुं पयट्टा । चिंतियं च णाए
"विसयासत्तो पुरिसो कजाकजं न पेच्छए कह वि ।
हंतूण नियय-भायं पत्थेइ ममं जओ राया ॥" कमेण य पत्ता सावत्थीए । तत्थ य अजियसेणो आयरिओ, कित्तिमई पवि(व)त्तिणी । सा वि पत्ता तीए समीवं । वंदिया सविणयं । अहो! खलु एयारिसाए वि आगितीए, नरेंदपत्ती-सरिच्छेहिं पि लक्खणेहि, तहा वि एरिसी अवत्थ त्ति चिंतिऊण भणियं मयहरी(रि)याए -
'का सि तुमं?, कत्तो वा केण व कजेण आगया इत्थ?' । इय पुच्छिया[य] तीए गुरु त्ति काऊण परिकहियं । मयहरिया[ए] भणियं- 'धन्ना तं सुयणु ! जेण परिचत्तो । सयण-जण-विसय-भोगो सीलस्स विणासण-भयाओ। ता इत्थ चेव वच्छे ! निचं चिय आयरो ण मोत्तवो ।
जेण ण सीलवईणं असज्झमिह अस्थि भुवणे वि ॥ ततो परूविओ वित्थरेण अट्ठारस-सीलंग-साहस्सिओ महाभारो । संजाय-संवेगाए पडिवन्नो तीए वित्ति । अवि य
सारीर-माणसाणेय-दोक्ख-तवियाए तीए पडिवन्नं । सामन्नमसामन्नं निबंधणं सग्ग-मोक्खाणं ॥ जह जह वड्डइ एसा चारित्त-गुणेहि, तह य पोट्टे पि । जायासंकाए पवि(व)त्तिणीए अह पुच्छिया एसा ।। 'पुवं चिय' निय-पइ-संगमेण जायं, इमं ण भे कहियं ।
'मा पवजा-विग्धं काहिह' भणियं इमाए वि ।। ततो सावय-घर-पच्छन्ने ट्ठिया य पसूया एसा दारयं । कमेण वढतो दारओ जाओ 35
20
For Private & Personal Use Only
www.jainelibrary.org
Jain Education International
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |