Page Text
________________
दोष-बाहुल्ये नूपुरपण्डिता-राजमहिला-कथा ।
४९ तए अन्नो काउ' त्ति सुएण भणियं । इत्थंतरंमि महया सद्देण पलत्तं वहूए - 'किमत्थ बहुणा पलत्तेण ? जाव एयाओ कलंकाओ न सुद्धा, ताव न गिण्हामि भत्त-पाणं । एवं सोऊण मिलिओ लोगो, जाओ महाकलयलो । 'दिवघड-विसाईहिं सोहेमि अप्पाणयं' तीए भणियं । बुड्ड-नागरएहिं भणियं-'किमणेहिं अणिच्छियत्थेहिं ? कुत्तियावणजक्ख परेक्खा कीरउ । तओ व्हाया कय-बलिकमा सिय-वस्थाभरण-कुसुमालंकिया । अणुगम्ममाणा कोऊहलापूरिय-नागरेहि सह संपत्ता । तत्थ मिलिया नरेंदाइणो । इत्थंतरंमि मुणिय-वुत्तंतो पायडिय-कारिम-गहो जर-दंडी खंड-निवसणो भूइ-धवलंगो पणोलिंतो लोगं आलिंगिउँ रमणीउँ पत्तो तं उद्देसं सो तीए जारो । अणिच्छयन्ती वि बला आलिंगिया सा तेण, गलत्थिओ लोगेणं । ततो आमंतिऊण लोगपाले तियस-महामुणिणो भणिओ जक्खो- 'जो जणणी-जणएहि दिनो भत्तारो, तं मोत्तूणं, एसो पुण गह- " गहिओ दिट्ठो चिय, एयं च अन्नो जइ मए मणसा वि झाइओ, ता धरेजसुअह न पत्थिओ ता वचिजामो त्ति भणिऊण किंकायव-मूढो जाव जक्खो वियप्तो चिट्ठइ, ताव झत्ति जक्खस्स हेह्रण णीहरिया । समुडिओ साहुकारो 'अहो! महासई एसा' । निंदिओ सबलोगेहिं थेरो। अवि य-चिंतेइ जाव जक्खो, ता से हेद्वेण निग्गया झत्ति ।
छलिओ अहं पि अबो ! नत्थि सइत्तं अहवाए ॥ 'अहो! सच्चवाई वि सयण-णागरय-नरेंद-जक्खाईहिं संभाविओ अलियवाई एयाए चिंताए पणट्ठा थेरस्स निदा । 'एस महल्लत्तणस्स जोगो(ग्गो) मण्णतेण ठविओ अंतेउरे राइणा । संपत्तो पओसो । बोलीणो राईए पढम-जामो । पसुत्ताउ सबाउ वि अंतेउरिया, 'णवरभेगा उबिग्गा ण निदं पवजइ । हंत! कारणेण होयचं २० "जमेसा ण णेई पवजए, ता करेमि कवड-सुत्तं । तहा कए पसिमि(सारि)ओ कुडंतरिएण करिणा करो ति । तत्थ विलग्गिऊण गया मेंठस्स समीवं । चिरस्स आगय त्ति संजायरोसेण ताडिया संकल-प्पहारेहिं । तीए भणियं-'मा रुससु, एरिसो अन्ज महल्लओ जाओ, जो चिरेण पसुत्तो । पनूसे उवणीया करिणा 'गेहे । 'अहो ! जइ नाम उभयकुल-विसुद्धाउ" नरेंद-पत्तीउ रक्खिजंतीउ"वि एआरिसमसमंजसमणुटुंति; अम्हाण पुण 2s बहूउ जं गया वि आगच्छंति, तं पि लहूं' इमं भावेतो पणट्ट-चिंतो थेरो सोउमाढत्तो । उग्गए वि सूरे ण बुज्झइ, सिटुं राइणो । तेण भणियं-'मा बोहेह' । सत्तम-दिणे बुद्धो य पुच्छिओ राइणा- 'किमयं ?' ततो साहिओ सब्भावो, णवरं ण याणामो तं महिलं । तओ भणिव(या)उ राइणा महिलाउ- 'मम दुरिय-णासणत्थं भेंडमय-हत्थि उलंघेह' णिवियप्पं उलंघिओ" सबाहिं पि । इक्का महादेवी- 'बीहेमि भिंड-हत्थिणो' । संजाया- ॥ संकेण पहया उप्पल-नालेण, मुच्छिऊण पडिया धरणीए । दिट्ठाओ संकलप्पहाराओ। अवि य - "मत्तकार आरूढा ण बीहिया डिंभ(भिंड)-करिवरुप्पेच्छा ।
संकल-हया वि णो मुच्छिया हंतु मे उप्पले पडिया! ॥" १ क. दु । २ क. ह. ओ। ३ क. भूय-। ४ क. °ओ। ५ ह. °ओ। ६ क. णणवरसेभाओविया । ७ क. जण णि°। ८ क. पए पसविओ। ९ क. रोहे। १० क. ह. °ओ। ११ क. ह. °ताओ। १२ क. °ससस । १३ क. नु। १४ ह. °या।
ध०७
Jain Education International
For Private & Personal Use Only
www.jainelibrary.org
| SR No. | 002785 |
| Book Title | Dharmopadeshmala Vivaran |
| Original Sutra Author | N/A |
| Author | Jinvijay |
| Publisher | Singhi Jain Shastra Shiksha Pith Mumbai |
| Publication Year | 1949 |
| Total Pages | 296 |
| Language | Sanskrit, Hindi |
| Classification | Book_Devnagari & Religion |
| File Size | 18 MB |