Khartar Gacchha Bruhad Gurvavali

SR No.: 002780
Original Sutra Author: Jinpal Upadhyaya
Author: Jinvijay
Publisher: Singhi Jain Shastra Shiksha Pith Mumbai
Publication Year: 1956
Total Pages: 148
Language: Sanskrit, Hindi
Classification: Book_Devnagari & History
File Size: 13 MB

Page 116

वृद्धाचार्यप्रबन्धावलिः ।
१.-श्रीवर्द्धमानसूरिप्रबन्धः।
अथ वृद्धाचार्याणां प्रबन्धाः संक्षेपेण कथ्यन्ते
१. अहन्नया कयाई सिरिवद्धमाणसूरिआयरिया अरनचारिंगच्छनायगा सिरिउज्जोयणसूरिपट्टधारिणो गामाणुगामं दूइज्जमाणा अप्पडिबंधेण विहारेण विहरमाणा अब्बुयगिरितलहट्टीए कासदहगामे समागया । तयणंतरे विमलदंडनायगो पोरवाडवंसमंडणो देसभागं उग्गाहेमाणो सोवि तत्थेव आगओ। अब्बुयगिरिसिहरं चडिओ। सव्वओ पव्वयं पासित्ता पमुइओ चित्ते चिंतेइ-'अत्थ जिणपासायं करेमि' । ताव अचलेसरदुग्गवासिणो जोगी-जंगम-तावससन्नासि-माहणप्पमुहा दुट्ठा मिच्छत्तिणो मिलिऊण विमलसाहुं दंडनायगं समीवं आढत्ता । एवं वयासी-'भो विमल ! तुम्हाणं इत्थ तित्थं नत्थि। अम्हाणं तित्थं कुलपरंपरायातं वट्टइ । अओ इहेव तव जिणपासायं काउंन देमि । तो विमलो विलक्खो जाओ । अब्बुयगिरितलहट्टीए कासद्दहगामे समागओ । जत्थ वद्धमाणसूरी समोसड्डो तत्थेव । गुरुं विहिणा वंदिऊण एवं वयासी-'भगवन् ! इहेब पव्यए अम्हाणं तित्थं जिणपडिमारूवं वट्टइ त्ति नो वा ? । तओ गुरुणा भणियं-'वच्छ ! देवयाआराहणेण सव्वं जाणिज्जइ । छउमत्था अन्नहा कहं जाणंति। तओ तेण विमलेण पत्थणा कया। किं बहुणा वद्धमाणमूरीहिं छम्मासीतवं कयं । तओ धरणिंदो आगओ। गुरुणा कहियं-'भो धरणिंदा ! सूरिमंतअधिट्ठायगा चउसट्टि देवया संति । ताण मज्झे एगोवि नागओ, न य किंचि कहियं, किं कारणं ?'-धरणिंदेणुत्तं-- भगवन्! तुम्हाणं सूरिमंतस्स अक्खरं वीसरियं । असुद्धभावाओ देवया नागच्छति । अहं तवबलेण आगओ । गुरुणा उत्तं'भो महाभाग ! पुव्वं सूरिमंतं सुद्धं करेहि। पच्छा अन्नं कर्ज कहिस्सामि'त्ति। धरणिंदेणुत्तं-'भगवन् ! मम सत्ती नत्थि सूरिमंतक्खरस्स सुद्धासुद्धं काउं तित्थंकरं विणा' । तओ सूरिणा सूरिमंतस्स गोलओ धरणिंदस्स समप्पिओ । तेण महाविदेहखित्ते सीमंधरसामिपासे नीओ। तित्थंकरेण सूरिमंतो सुद्धो कओ । तओ धरणिंदेण सूरिमंतस्स गोलओ सूरीण समप्पिओ। तओ वारत्तयसूरिमंतसमरणेण सव्वे अहिट्ठायगा देवा पञ्चक्खीभूया ! तओ गुरुणा पुट्ठा-'विमलदंडनायगो अम्हाणं पुच्छइ-अब्बुयगिरिसिहरे जिणपडिमारूवं तित्थं अच्छइ णवा' । तओ तेहिं भणियं-'अब्बुयादेवीपासायवामभागे अदबुदआदिनाहस्स पडिमा वट्टइ । अखंडक्खयसत्थियस्स उवरि चउसरपुप्फमाला जत्थ दीसइ, तत्थ खणियव्वं' । इय देवयावयणं सुच्चा गुरुणा विमलसाहुस्स पुरओ कहियं । तेण तहेव कयं । पडिमा निग्गया। विमलेण सव्वे पासंडिणो आहूया। दिट्ठा जिणपडिमा। सामवयणा जाया । तओ पासायं काउमारद्धं विमलेण । तओ पासंडेहिं भणियं-'अम्हाणं भूमि पूरिऊण दव्यं देहि । तओ विमलेण भूमिं दव्वेहिं पूरिऊण दव्यं दिन्न । तओ पासायं । बद्धमाणसूरीहिं तित्थं प[य]डियं न्हवणपूयाइयं सव्वं कयं । तओ गयकालेण मिच्छत्तिणो तस्साधीणा जाया। तओ बावनजिणालओ सोवण्णकलसदंडधयसहिओ पासाओ निम्मविओ विमलेण । अट्ठारसकोडी तेवनलक्खसंखो दवो लग्गो । अञ्जवि अखंडो पासाओ दीसह ॥ इय वद्धमाणसरिप्पबंधो समत्तो॥
यु. गु० १२