________________
[९४-९७] द्वितीयं जिनदत्ताख्यानम् । सहो । वद्धाविओ राया- 'जीवइ सो महाणुभावो ।' तओ आगओ सतोसंराया। अन्झुडिओ कुमारेण । निसन्ना दो वि । पुच्छिओ य राइणा शरीरपउत्ती। दिट्ठा य पहट्ठलोयणा कुमारी तणूदरा य । तओ पुच्छिओ कुमारो- 'भो महाणुभाव! सुहं वसिओ रयणीए तुमं?' कुमारेण भणियं- 'तुम्ह पसाएण सुहे' ति । राइणा भणियं- 'भो ! कुमारी अज सोहणच्छाया दीसति. ता नायं मए 'महाणुभावो तुमं. तुम्ह प्पहावेण एवं सवं' तहा वि कोउगेणं विसेसेणं जाणिउं इच्छामि, ता किमेयं ?' ति । कुमारेण भणियं - 'सामि ! कुमारी पुच्छह ।' तओ [प० १२.२ ] पुच्छिया रायपुत्ती । कहिओ असेसवुत्तो तीए. दंसिया 'सामलिगा। तओ आणंदिओ राया । तओ बहुमनिओ कुमारो- अहो! . छंदं जो अणुयत्तइ मम्मं रक्खइ गुणा पयासेइ ।
सो नवरि माणुसाणं देवाण य वल्लहो होति ॥ ९४ तओ राइणा समइच्छिओ साहुकारेण । समादिटुं नयरे वद्धावणयं । आगओ पउरलोगो । पूइओ य साहुक्कारेण । चिंतियं कुमारीए । अवि य
वयणिजं चिय मरणं होइ कुसीलाण सयणमज्झम्मि ।
जं पुण मरणं सा कालपरिणई लोयसामण्णा ॥ अहं एएण विकमबलेण जिणेऊण गहिया, मज्झं पि एवं वजिय अण्णस्स पुरिसस्स निवित्ती । भणियं च
सो चिय कीरति मित्तो जो चिय पत्तम्मि वसणसमयम्मि ।
न हु होइ पराहुत्तो सेलसिलाघडियपुरिसो व ॥ ९६ राइणा दिणं पारिओसियं ति । पडिच्छियं किं पि सेसमेत्तं कुमारेण । परिक्खिऊण राइणा इंगियाइं, नाऊण कुमारीहिययं जहा 'पडिवन्नो कुमारीए कुमारों । किं च
दिढे दइयम्मि जणे निहुयनिरंभंतहासओमीसं ।
अंतग्गओ वि नेहो नयणपलोए चिय कहेइ ॥ ९७ ता एवं चेव उचियं । उत्तमो सवेसि पि एसो । ता ममावि एवं चेव उचियं' ति । तओ दिना राइणा लोयपचक्खं कुमारी कुमारस्स । तेण विकाऊण बहुमाणं पडिच्छिया । संभोजिया य वेजेहिं जाव जाया पुणण्णवा । तओ पसत्थे हिं] तिहि-करण-मुहुत्तेहिं परिणीया य जहाविहवेणं । अच्छंति [५० १३.१] पंचप्पयारं विसयसुहमणुहवंताणि जाव विणिइयं सत्थवाहसंतियं भंडं ति । चिंतियं जिणयत्तेण१ करण्डिका । २ विनीतं दूरीकृतं विक्रीतमिति यावत् ।
Jain Education International
For Private & Personal Use Only
www.jainelibrary.org
