Page Text
________________
५४
जिनदत्तस्य सिंहलराजकुमार्याः पाणिग्रहणम् ।
[१३]
तणुयाओ वे जीहाओ पपमाणीओ' । तओ जाया से आसंका, थिओ चैव संकमाणो, जाव दिट्ठ मुहाओ निग्गच्छमाणं सप्पमुहं ति । तओ नायं - एयाओ सयासाओ भयं ति । जाव अवलोइउं आढतो पासेसु पन्नगो, न दिडो छाहिं अंतरिओ जिणयत्तो । तओ ससंको नीसरिउं आढतो जाव निग्गओ सध्वो । अवयरिओ कुमारिपल्लंकाओ । आरूढो कुमारपलंके । आढत्तो सिरपएसे किल दसिउं जाव, ताव करणदक्खयाए कुमारेण कओ अट्ठखंडाई पण्णगो । [ १० ११.२] उवसंहरियं खग्गं । छूढो तीए चेव आभरणकरंडियाए पन्नगो । ओसारिया खोडी । निसन्नो पलंके । परिसमाणियमहासमरभरो व गहिओ वि(वी) सत्थिमाए । नयरयारजणसूयगेण य आनंदिओ वयणेणं । सा वि निग्गयवाही परमनिहुई ( इं ) गया सुविऊण वीसत्थवि सिह महुरगन्धवरवाऊरिमाणसवणविद्धा । जाओ ससंभवं (मं ?) मणम्मि तोसो । आढत्ता चितिउंअहो किमेयं सहसा समुब्भूयं ? जओ 'अयगओ मे वाही सरीराओ, जायं मे लहुयं उयरं, गहियाई उच्छाहेण अंगाई, सो महाणुभावो वि सत्थो चिट्ठति । ता एयस्स एस पहावो, न अन्नो एत्थ वियप्पो ति । ता पुच्छामि एयं 'किमेत्थ तत्तं ?' ति । तओ सविणयं सबहुमाणं समहुरवयणं च पुच्छियं 'सामि । किमेयं ?" ति । कुमारेण भणियं - 'सामिणि! तुमं न जाणसि ' कुमारीए भणियं - 'नाह ! नाम, तह विय विसेसेण नाउमिच्छामि ।' कुमारेण भणियं - 'जइ एयं (वं) ता समलिगाए' तत्तं अच्छइ, निरूवेह एयं ।' ततो ससंभंताए निरूविया य तीए जाव सहसा 'सप्पो सप्पो' त्ति भणमाणीए मुक्का । तओ धीरविया कुमरेण'धीरा धीरा होहि, एस सो सरीरद्रोहगो दुरायारो वाही, कओ विगयपाणो तुज्झ कल्लाणेहिं ।' कुमा [ १० १२.१ ] रीए भणियं - 'कहं चिय ?' तओ कहिओ वृत्तो । तं च सोऊण आनंदिया सुइरं हियएणं । कुमारीए बहुमणिओ'सामि ! को तुमं मोत्तूण अण्णो उवायकुसलो धीरो महाणुभावो परोवयावच्छलो पडिवन्ननिरउ' त्ति । जेण -
हियए जाओ तत्थेव वडिओ नेय पयडिओ लोए । ववसायपायषो []पुरिसाण लक्खिजति फलेहिं ॥
९३
कुमारेण भणियं - 'मुद्धे ! तुज्झ चैव पुन्नप्पहावो' ति । तओ थियाई विसिकाए थेववेलं |
-
जिनदत्तस्य सिंहलराजकुमार्याः पाणिग्रहणम् । -
इओ य राणा महाणुभावदंसणु (णू ) सुएण पेसिया गवेसगा - 'भो भो ! गवेसह को संतो तस्स महाणुभावस्स वट्टति ?' गया य ते । सुओ य जंपंताणं १ प्रकम्पमत्यौ । २ छायायाम् = दीपकपश्चाद्वर्तिनि तमसीत्यर्थः । ३ अपगतः । ४ करण्डिकायाम् ।
Jain Education International
For Private & Personal Use Only
www.jainelibrary.org
| SR No. | 002776 |
| Book Title | Jindattakhyana Dwaya |
| Original Sutra Author | Sumtisuri |
| Author | Amrutlal Bhojak |
| Publisher | Singhi Jain Shastra Shiksha Pith Mumbai |
| Publication Year | 1953 |
| Total Pages | 122 |
| Language | Sanskrit, Hindi |
| Classification | Book_Devnagari & Literature |
| File Size | 7 MB |