________________
जिनदत्तस्य सिंहलदेशे प्रयाणम्। [१३७-१४३] ता धम्मकम्मनिरया, पढमाणी चिट्ठ साहुणिसमीवे ।
जाणियजिणवयणाए, अट्टज्झाणं न ते जुत्तं ॥ १३७ ॥ तओ एवं अम्म-ताएहि आसासिया सन्ती भोयणकजवजं विवजियगिहागमणा साहुणीसमीवे सज्झायज्झाणपरायणा कालं गमिउमारद्धा विमलमई । चितइ य
ताव चिय होइ सुहं, जाव न कीरइ पिओ जणो कोइ । पियसंगो जेहि कओ, दुक्खाण समप्पिओ अप्पा ॥ १३८ ॥ गयकण्णचला लच्छी, मुणालदलतंतुपेलवं जीयं । तारुनं विजुचलं, दप्पणछायासमं पेम्मं ॥ १३९ ॥ जर-वाहि-रोगरयमलकिलेसबहुलम्मि नवर संसारे ।
नत्थि सरणं जयम्मी, एकं मोत्तूण जिणधम्मं ॥ १४० ॥ इओ य जिणयत्तो पत्तो दहिपुरं । खेयावहारत्थं चोवविठ्ठो एगम्मि उजाणे । ताव य दिट्ठो उजाणसामिणा दरिद्दसत्थवाहेण 'विसिट्टागिई देसंतरिओ य' त्ति सोवयारं संलत्तो णेण - 'भद्द ! इममुजाणं पुप्फ-फलाई न पयच्छेइ, 'किर बहुरयणा वसुंधर'त्ति पुच्छेमि भवंत मुणसि किं पि उवायं?' ति । जिणयत्तेण वि 'मुणामि गुरुपसाएणं' ति भणिऊण आणावियं तदुवगरणं । तओ किं बहुणा ? किं पि सिद्धत्थयखलेण, किं पि इयलचुन्नेण, किं पि सकामकामिणीसमुवगृहणेण, किं पि चंदणपंकोवलेवेण, तओ किं बहुणा ? अन्नेहि वि एवमाइपगारेहि सहसा चेव तमुजाणं फुल्लावियं फलावियं च त्ति । तबिन्नाणरंजिएण य 'एस को वि महापुन्नवंतो' ति भावयतेण सेट्टिणा 'पुत्तय ! अपुत्तयस्स मम तुमं पुत्तो होसु' त्ति भणमाणेण नीओ सगिहं । तत्थ वि कयभोयणाइमुवयारो सिणेहसारं च उवचरिजमाणो पिइगिहे व सुहाच्छियाए अच्छिउं पयत्तो ।
-~जिनदत्तस्य सिंहलदेशे प्रयाणम् ।अण्णया भणिओ णेण सेट्ठी
पच्चासन्नो जलही, पुत्तो हं तुज्झ तह वि दालिदं ।
इय पेच्छिरस्स मज्झं, उल्वेवो वट्टए ताय ! ॥१४१॥ अण्णं च- धम्मो अत्थो कामो, पुरिसत्था तिन्नि जीवलोगम्मि ।
अत्थो तत्थ पहाणो, न धम्म-कामा विणा तेण ॥ १४२ ॥ अत्थस्स पुण उवाया, दिसिगमणं होइ मित्तकरणं च । नरवरसेवाकुसलत्तणं च माणप्पमाणेसु ॥ १४३ ॥
Jain Education International
For Private & Personal Use Only
www.jainelibrary.org
