________________
१६६
अमरसेणचरिउ पावलिय-मुक्क सुरपं गणेण । गउ पिच्छणत्थ पहु तक्खणेण ॥२४॥
घत्ता
तहं विद्वहं वेसहं, उडिउ कुमरु तहं,
चडि पावलियहं ण?-णहि । गईय पुत्ति-आवासहि, सुक्ख-णिवाहि,
रहइ णिचितिय दुट्ठ सुहिं ॥४-६॥
[४-७]
तहिं अवसरि कुमरहं मयणदेउ । णउ पणमि मिच्छइ कुगइ-हेउ ॥१॥ णिग्गउ गिह मज्झे कुमरु जाम । णउ जुवइ वेस-पावलिय ताम ॥२॥ चितइ कुमारु हउंच्छलिउं वेइ । अह वेसा-चरिउ ण मुणइ कोइ ॥३॥ णउ याणइ गुरु लहु मणुव लोइ । दव्वस्स विआयरु करइ सोइ ॥४॥ वेसा णरु गिण्हइ दव्व-सहिउ । णिय पुत्ति-णाहु अवरु वि विहिऊ ॥५॥ जो अत्थ-हीणु लहु सा चवेइ । णिस्सारइ करु गहि णिय गिहेइ ॥६॥ लोहंध दव्व अण्णण्ण लेइ । पइसारइ अण्णहं सण्ण देइ ॥७॥ यउ जाणि वि वेस ण होत्ति अप्पु । वज्जरइ जईसरु रहि पदप्पु ॥८॥ जो अण्णहं ईहइ पाव-भाउ । वंधण-ताडण-मारणहं पाउ ॥९॥ णउ जाइ अहणु जं कम्म किऊ । तं मत्थइ पडइ अचित धुऊ ॥१०॥ यउ चिति वि कुमरें णिय मणेण । सुहि रहइ सचितउ सुर-गिहेण ॥११॥ इत्थंतरि णहखगु एउ आउ । अवयष्णु सुर-गिह सुद्ध-भाउ ॥१२॥ तहं वंदिउ खेयर मयणदेउ । वसु दव्वहं अंचि वि करि वि थोउ ॥१३॥ पुणु दिट्ठउ खयरें वइरसेणि । कहु होतु समायउ भणिउ तेणि ॥१४॥ अच्छउ कंचणपुर गयणगामि । लंजियच्छलि लाइय इत्थु सामि ॥१५॥ कंदप्प-जाय-अत्थेण भए । पावलिय मज्झु णह-गयणदिए ॥१६॥ हउं वंचिउ लंजिय खड-णिकिट्ट । आयास-गमणि पावलिय इट्ठ ॥७॥
Jain Education International
For Private & Personal Use Only
www.jainelibrary.org
